آج شمر اور عمر سعد نیتن یاہو اور مختلف ممالک کے مسلمان سربراہ ہیں، آیت اللہ سعیدی

شیعیت نیوز : آیت اللہ سید محمد سعیدی نے قم شہر میں نماز جمعہ کے خطبوں سے خطاب کرتے ہوئے کہا: تاسوعا اور عاشورا ایک مخصوص زمان و مکان سے خاص نہیں ہیں بلکہ عاشورہ ایک نہ ختم ہونے والا آغاز اور غروب نہ ہونے والے طلوع کا نام ہے۔

حضور نبی اکرم صلی اللہ علیہ وآلہ وآلہ وسلم کا ارشاد ہے: "إِنَّ لِقَتْلِ‏ الْحُسَیْنِ حَرَارَةً فِی قُلُوبِ الْمُؤْمِنِینَ لَا تَبْرُدُ أَبَداً”۔

یعنی بے شک قتل امام حسین علیہ السلام کی مومنین کے دلوں میں ایک خاص حرارت ہے جو کبھی بھی سرد نہیں ہو گی۔

یہ بھی پڑھیں : ہزارہ ٹاؤن میں پانی کے مسئلے کو حل کیا جائے، ایم ڈبلیو ایم کوئٹہ

حرم حضرت معصومہ (س) کے متولی نے کہا: عاشورہ روشن خیالی، بصیرت، جہادِ تبیین اور دوست اور دشمن کی پہچان کا منفرد موقع فراہم کرتی ہے۔

تاسوعا اور عاشورا میں اہل بیت علیہم السلام کی طرف سے جو کچھ ہوا وہ انتہائی قابل فخر تھا، لیکن حکمرانوں اور عوام کی طرف سے جو ہوا وہ ایک ظلم اور تباہی تھی۔

آج کا شمر اور یزید نیتن یاہو اور عمر سعد آج کے مسلم ممالک کے بظاہر مسلمان سربراہ ہیں جنہوں نے اس بچوں کی قاتل صیہونی حکومت کی مدد کی ہے اور اس کے ساتھ تعلقات کے خواہاں ہیں۔