امام علی رضا علیہ السلام کے حرم پر فلسطین حکومتی وفد کی حاضری

شیعیت نیوز : فلسطین سے تعلق رکھنے والے حکومتی اہلکاروں نے مشہد میں امام رضا علیہ السلام کے حرم پر حاضری دی۔

فلسطین سے تعلق رکھنے والے حکومتی وفد نے مشہد میں امام علی رضا علیہ السلام کے حرم پر حاضری دی اور شعبہ زائرین کے منتظمین سے ملاقات کی۔

اس موقع پر شعبہ زائرین کے سربراہ سید محمد ذوالفقاری نے مہمانوں کا خیر مقدم کیا اور کہا کہ فلسطین کی حمایت تمام مسلم ممالک کی ذمہ داری ہے۔

یہ حمایت زبانی حد تک نہ رہے بلکہ عملی اظہار بھی ہونا چاہیے۔

یہ بھی پڑھیں : جمہوریہ اسلووینیا نے بھی فلسطین کو تسلیم کر لیا

ملاقات کے دوران فلسطینی وفد نے رہبر معظم اور ایرانی حکومت کی جانب سے فلسطین کی وسیع حمایت پر شکریہ ادا کیا۔

وفد میں شامل فلسطینی اہلکار نے کہا کہ بہت سارے ممالک فلسطین کی حمایت کا دم بھرتے ہیں لیکن عملی طور پر حضرت یوسف اور ان کے بھائیوں کی کہانی ہے۔

ہم تمام ممالک کی حمایت کے محتاج ہیں۔

فلسطینی وفد نے امام خمینی اور شہید قاسم سلیمانی کی قدردانی کرتے ہوئے کہا کہ غاصب اسرائیل کے چنگل سے فلسطین کی آزادی نزدیک ہے۔