فلسطین ہمارے ڈی این اے میں شامل ہے،سنیٹر مشاہد حسین سید

شیعیت نیوز:مسلم لیگ (ن) کے مرکزی رہنما اور سنیٹر مشاہد حسین سید نے تہران میں فلسطین کے حوالے سے منعقد ہونے والی کانفرنس(غزہ مظلوم اور پائیدار) سے خطاب کیا۔

انہوں نے کہا کہ مسئلہ فلسطین کو فلسطینیوں کے نظریئے اور فارمولے کے تحت حل ہونا چاہئیے اور اس وقت اسرائیل نے غزہ اور دیگر علاقوں میں خون کی ندیاں بہا دی ہیں۔

مشاہد حسین سید نے کہا کہ پاکستان کے عوام فلسطینیوں کے ساتھ ہے اور ہر فورم پر فلسطینیوں کی حمایت کی ہے اور ہمیشہ حمایت کا سلسلہ جاری رہے گا اس لئے کہ فلسطین ہمارے ڈی این اے(DNA) میں شامل ہے۔

یہ بھی پڑھیں:اقوام متحدہ کی دنیا سے فلسطین کو ایک آزاد ریاست تسلیم کرنے کی درخواست

واضح رہے کہ تہران میں بانی انقلاب اسلامی امام خمینی (رح ) کی 35 ویں برسی کے موقع پر غزہ مظلوم اور پائیدار کے زیر عنوان ایک سیمینار منعقد ہوا۔

جس میں پاکستان، عراق، لبنان، افغانستان اور شام سمیت دنیا کے کئی ممالک کی اہم شخصیات، سیاستدانوں اور علمائے کرام نے شرکت کی۔