عورت حقیر نہیں، اسکی گود میں انبیا و آئمہ پرورش پاتے ہیں، علامہ مرید نقوی

شیعیت نیوز:وفاق المدارس الشیعہ پاکستان کے نائب صدر علامہ سید مرید حسین نقوی نے جامع علی مسجد جامعة المنتظر ماڈل ٹاون میں خطبہ جمعہ دیا۔

انہوں نے کہا ہے کہ اللہ تعالیٰ نے عورت کو بڑی عظمت سے نوازا ہے۔

عورت کو کبھی حقیر مت سمجھو کیونکہ عورتوں کی گود میں انبیا، آئمہ اور علماء پرورش پاتے ہیں۔

انہوں نے کہا اگر کوئی نوجوان محرمات سے بچ جائے اور واجبات کو ادا کرے تو کوئی کام ایسا نہیں جو نہ ہو سکتا ہو۔

انہوں نے کہا کہ قرآن مجید اللہ سبحانہ و تعالیٰ کی نازل کردہ کتاب ہے، باقی جتنی بھی کتابیں لکھی گئی ہیں، وہ لوگوں کی ہیں۔

یہ بھی پڑھیں:پاکستان میں بھی شہدائے خدمت کی یاد میں تعزیتی ریفرنس کا سلسلہ جاری

ان کا کہنا تھا کہ سورہ الحمد میں اللہ تعالیٰ نے اپنے خاص بندوں کا ذکر کیا ہے۔

پھر ایک رحمت مومنین اور دوسری عمومی رحمت کا ذکر ہے جو مسلم اور غیر مسلم دونوں کے لیے ہے۔

علامہ مرید نقوی نے کہا ہے کہ اللہ تعالیٰ ہماری معرفت کے مطابق ہمیں رزق دیتا ہے، جیسی ہماری معرفت ہوگی، ویسے ہی وہ ہمیں رزق دیتا ہے۔

ان کا کہنا تھاکہ آیت اللہ فاضل لنکرانی فرماتے ہیں مذہب شیعہ کی حقانیت کیلئے یہی دلیل کافی ہے کہ ہم جن ہستیوں کو مانتے ہیں وہ کسی کے شاگرد نہیں۔