صیہونیوں کے مظلوم فلسطینی کیمپوں پر حملے ناقابل برداشت ہیں، علامہ شبیر میثمی
مرکزی سیکرٹری جنرل شیعہ علماء کونسل پاکستان نے کہا: صیہونی ریاست کی جانب سے مظلوموں کے پناہ گزین کیمپوں پر حملے نا قابل برداشت عمل ہے۔
شیعیت نیوز : مرکزی سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی نے کراچی میں میڈیا نمائندگان کے ایک اہم وفد سے گفتگو کرتے ہوئے کہا: صیہونی ریاست کی جانب سے مظلوموں کے پناہ گزین کیمپوں پر حملے نا قابل برداشت عمل ہے۔
مسئلہ فلسطین کے حوالے سے اُمت مسلمہ خاموش تماشائی کیوں بنی ہوئی ہے؟
عالمی عدالت انصاف کے فیصلے ہوا میں اڑائے جا رہے ہیں اس پر بھی انسانی حقوق کے ادارے اور دیگر حکمران خاموش کیوں ہیں؟
یہ بھی پڑھیں : فلسطین صرف مذاکرات سے آزاد نہیں ہوگا : شیخ نعیم قاسم
کیا مظلوم فلسطینی عوام کا حق نہیں کہ ان کی مکمل سپورٹ کی جائے اور غاصب صیہونی ریاست کے لیے مل کر مضبوط آواز بلند کی جائے!؟۔
میں مغربی یونیورسٹیز کے طلباء کو سلام پیش کرتا ہوں کہ اتنے مشکل حالات اور مسائل کے باوجود انہوں نے واشنگٹن کو ہلا کر رکھ دیا۔
مغربی یونیورسٹیز کے طلباء کی فعالیت اور جذبے کو دیکھتے ہوئے ہم کہہ سکتے ہیں کہ امام خمینی رہ کی تحریک اب گھر گھر پروان چڑھتی نظر آرہی ہے۔
