شہید رئیسی نے سیاست میں اپنی صداقت و ایمانداری کو قربان نہیں کیا، اہلسنت عالم دین
ایران کے شہر مریوان کے اہلسنت امام جمعہ نے کہا: ایمانداری ہمیشہ کام اور حکومتی امور میں شہید حجت الاسلام والمسلمین رئیسی کا سب سے اہم اصول رہا اور انہوں نے کبھی بھی صداقت و دیانتداری کو سیاست کے لیے قربان نہیں کیا۔
شیعیت نیوز : ایران کے شہر مریوان کے اہلسنت امام جمعہ مصطفی شیرزادی نے حجت الاسلام والمسلمین رئیسی اور ان کے دیگر ساتھیوں کی شہادت پر تعزیت کرتے ہوئے کہا: شہید حجت الاسلام والمسلمین رئیسی کی بنیادی اور اہم ترین فکر نظام اسلامی اور انقلاب کی ترقی کے لیے ملتِ ایران کی خدمت کرنا تھی۔
مریوان شہر کے امام جمعہ نے کہا: اپنے قول و فعل میں صداقت و دیانتداری شہید حجت الاسلام والمسلمین رئیسی کی ایک اور اہم خصوصیت تھی۔
انہوں نے مزید کہا: شہید رئیسی اپنے کام اور حکومتی امور کی انجام دہی میں ہمیشہ ایمانداری کو سب سے مقدم رکھتے تھے۔
یہ بھی پڑھیں : علامہ منیر الحسن جعفری کو فوری طور پر بازیاب کروایاجائے،علامہ حسنین گردیزی کا مطالبہ
اس اہلسنت عالم دین نے مزید کہا: ہم سب نے عملی طور پر مشاہدہ کیا کہ شہید رئیسی ملت ایران اور تمام نسلوں اور مذاہب کے بارے میں ایک جامع نظریہ رکھتے تھے اور سب کو ایک نظر سے دیکھتے تھے۔
انہوں نے مزید کہا: بدعنوانی اور امتیازی سلوک کے خلاف جنگ شہید حجت الاسلام والمسلمین رئیسی کا طرۂ امتیاز تھی۔
