شیعیت نیوز : مشہد مقدس میں دفتر نمائندگی ولی فقیہ ہندوستان اور الجواد فاؤنڈیشن شعبہ مشہد کی جانب سے صدر ایران شہید آیت اللہ سید ابراھیم رئیسی اور ان کے ساتھیوں کے لئے مجلس ترحیم شھید منعقد ہوئی۔
جس میں کثیر تعداد میں اردو زبان طلاب کرام اور علماء عظام نے شرکت کی۔
حجت الاسلام والمسلمین سید حسن ظفر نقوی نے مجلس عزاء سے خطاب کیا۔
مولانا نے شہید خدمت آیت اللہ سید ابراھیم رئیسی کی خدمات پر تفصیل سے روشنی ڈالی اور اپنے بیان میں کہا: شہید رئیسی اور شھدائے ھمراھان تاریخ میں ھمیشہ یاد رکھے جائیں گے۔
ملت ایران نے تاریخ ساز طریقہ سے ان کے جنازہ میں شرکت کر کے یہ بتا دیا کہ شہید رئیسی ہمیشہ ہمارے دلوں میں زندہ رہیں گے۔
یقینا شہید رئیسی کی شہادت نے دنیا کو اپنے سوگ میں ڈبو دیا جس کی لہر دنیا بھر میں دکھائی دے رہی ہے۔
یہ بھی پڑھیں : علامہ شبیر حسن میثمی کی ایرانی قونصل جنرل کراچی سے ملاقات اور اظہار تعزیت
دنیا کے ہر ملک میں ان کا سوگ تہہ دل کے ساتھ منایا جا رہا ہے بالخصوص برصغیر میں شھید سید ابرھیم رئیسی کے اس طرح سے بچھڑنے کا غم منایا جا رہا ہے اور سبھی اپنے اپنے طریقہ سے غم منا کر رہبر معظم انقلاب کی خدمت میں تسلیت و تعزیت پیش کر رہے ہیں۔
شھید رئیسی مخلص اور خدمت گزار تھے جب تک وہ حرم مطھر کے متولی رہے انہوں نے زائرین امام رضا علیہ السلام کے لئے بہت سی خدمات انجام دیں جو ہمیشہ یاد رہیں گیں۔
مجلس عزاء میں مدیریت زائرین غیر ایرانی حرم مطھر رضوی ع کے مسؤلین نے بھی شرکت کی۔
