نئی پارلیمنٹ قوم کی امیدوں کو مزید بڑھائے، رہبر معظم کا پیغام

شیعیت نیوز:ایرانی پارلیمنٹ کا 12واں دور پیر کی صبح شروع ہوا۔

رہبر معظم انقلاب اسلامی حضرت آیت اللہ العظمی سید علی خامنہ ای نے ایرانی پارلیمنٹ کے نئے دور کے آغاز کے موقع پر ایک خصوصی پیغام جاری کیا ہے۔

انہوں نے کہا کہ نئی پارلیمنٹ قوم میں امید اور حوصلہ بڑھا سکتی ہے۔

عوام کے درمیان ہمدردی اور بھائی چارے کی فضا کو فروغ دینا پارلیمنٹ کی ذمہ داریوں میں سے ایک ہے۔

یہ بھی پڑھیں:حزب اللہ لبنان کے سربراہ کی والدہ کے انتقال پر رہبر انقلاب اسلامی کا تعزیتی پیغام

انہوں نے مزید کہا کہ پارلیمنٹ کے ارکان کا حلف کوئی دکھاوا نہیں ہے بلکہ یہ ایک سچا اور سنجیدہ حلف ہے جو انہیں اپنی ذمہ داری کی طرف متوجہ کراتا ہے۔

رہبر معظم نے کہا کہ پارلیمنٹ کا ہر رکن پوری قوم کا نمائندہ ہے اور نمائندے کا بنیادی کام قومی مفادات کا حصول ہے۔

اپنے پیغام میں آیت اللہ خامنہ ای نے شہید صدر رئیسی، وزیر خارجہ اور ان کے ساتھیوں کی تشییع جنازہ میں ایرانی قوم کی تاریخی شرکت کو سراہا جو گزشتہ ہفتے ہیلی کاپٹر کے حادثے میں شہید ہوگئے تھے۔