حماس کو شکست نہیں دے سکیں گے، سابق صہیونی فوجی افسر کا اعتراف

شیعیت نیوز : صہیونی فوجی افسران حماس کے مقابلے صہیونی فورسز کی ناتوانی کا کھل کر اعتراف کررہے ہیں۔

صہیونی فوج شعبہ شکایات کے سابق سربراہ میجر جنرل اسحاق بریک نے کہا ہے کہ اسرائیلی فوج عوام کو سب ٹھیک کا جھوٹا پیغام دے کر رائے عامہ کو گمراہ کرنے کی پالیسی پر عمل پیرا ہے۔

حقیقت یہ ہے کہ سات اکتوبر کے حملوں نے اسرائیل کا سارا غرور خاک میں ملادیا۔

ریٹائرڈ میجر جنرل نے مزید کہا کہ صہیونی فوج حماس کو شکست دینے کی صلاحیت کھوچکی ہے۔

یہ بھی پڑھیں : اقوام متحدہ، شہید صدر رئیسی کی یاد میں تعزیتی ریفرنس ہوگا

رفح میں داخل ہونے کی صورت میں بھی حماس کے مقابلے میں نہیں ٹھہر سکے گی۔

انہوں نے کہا کہ اسرائیلی وزیرجنگ اور فوجی مرکزی کمانڈ کا رفح پر حملہ ایک رسک ہے کیونکہ اس سے مصر کے ساتھ تعلقات بھی خطرے میں پڑسکتے ہیں جوکہ اسرائیل کے لئے نقصان دہ ہوگا۔

انہوں نے کہا کہ صہیونی فوج غزہ کے جس علاقے سے انخلاء کرتی ہے وہاں حماس دوبارہ آکر حملے کرتی ہے۔

اس کا مطلب یہ ہے کہ سات اکتوبر سے پہلے والے حالات دوبارہ پیدا ہورہے  ہیں اور فوج کی کاروائیوں کا کوئی نتیجہ نہیں مل رہا ہے۔