علامہ شبیر میثمی کا ایرانی صدر اور ان کے رفقاء کی شہادت پر اظہارِ تعزیت

شیعیت نیوز : شیعہ علماء کونسل پاکستان کے مرکزی جنرل سیکریٹری علامہ میثمی نے ایرانی صدر اور ان کے ساتھیوں کی شہادت پر گہرے دکھ اور افسوس کا اظہار کرتے ہوئے ملت ایران اور رہبرِ انقلابِ اسلامی کی خدمت میں تعزیت پیش کی ہے۔

یہ بھی پڑھیں : آیت اللہ رئیسی امت کے لئے امید کی کرن تھے، سکردو میں بیاد شہداء تعزیتی اجلاس

انہوں نے ایران کے صدر آیت اللہ سید ابراہیم رئیسی، وزیر خارجہ حسین امیر عبد اللہیان،تبریز کے امام جمعہ آیت اللہ محمد علی آل باشم، مشرقی آذربائیجان کے گورنر مالک رحمتی اور جنرل سید مہدی موسوی کی ہیلی کاپٹر کے المناک حادثے کے نتیجے میں شہادت پر رہبرِ معظم آیت اللہ العظمٰی سید علی خامنہ ای اور ملت ایران سے تعزیت پیش کرتے ہوئے کہا کہ دُکھ و غم کی اس گھڑی میں پاکستانی عوام، ایرانی عوام کے ساتھ برابر کے شریک ہیں۔