سینیٹر علامہ راجہ ناصر عباس کی ایرانی سفارت خانہ آمد، ایرانی سفیر سے اظہارِ تعزیت

شیعیت نیوز : چیئرمین مجلس وحدت مسلمین پاکستان سینیٹر علامہ راجہ ناصر عباس جعفری کی وفد کے ہمراہ سفارت خانہ اسلامی جمہوری ایران آمد۔

ایرانی سفیر رضا امیری مقدم کو گزشتہ روز فضائی حادثے میں شہید ہونے والے صدر مملکت ایران شہید آیت اللہ ابراہیم رئیسی اور رفقاء کی شہادت پر پوری پاکستانی قوم کی جانب سے تعزیت و تسلیت پیش کی۔

شہداء کی ارواح کے لئے فاتحہ خوانی کی گئی اور شہید کے حوالے سے اپنے تاثرات بھی مہمانوں کی کتاب میں قلم بند کئے۔

شہید سید محمد ابرہیم رئیسی عظیم رہنما تھے، وہ امام خمینی کے مکتب کا پلا ہوا پروردہ انسان تھا، رہبر معظم کا بااعتماد ساتھی جس نے انقلاب کی آغوش سے پرورش پائی تھی۔

عالمی حالات اور معاملات کو وسیع تر تناظر میں سمجھنے والے انسان تھے، یہ تقدیر الہٰی ہے کہ آج سید ابرہیم رئیسی ہم میں نہیں ہیں، وہ کریمانہ اور شریفانہ شخصیت کے مالک تھے۔

یہ بھی پڑھیں : شہید صدر رئیسی کی بنیادی خصوصیت ان کی صداقت اور دیانتداری تھی، علامہ شاہرخی

خدا وند متعال نے انہیں کئی خدا داد صلاحیتوں سے نوازا تھا، انکi ایران اور عالم اسلام کو بہت اشد ضرورت تھی۔

دنیا کے مظلوموں کے حامی وناصر تھے انکی امید تھے، عالم اسلام میں وحدت کے فروغ کے لیے انکی خدمات ناقابل فراموش ہیں، وہ باطل قوتوں کی شیطانی چالوں کو ناکام بنانے والے بابصیرت رہنما تھے۔

عوام میں رہنے والے مسائل کو سمجھنے والے معاملہ فہم شخصیت کے مالک، آپ کی شہادت سے پیدا ہونے والا خلاء مدتوں تک پر نہیں ہو سکے گا۔

وفد میں صدر مجلس علماء مکتب اہلبیت علامہ سید حسنین عباس گردیزی، سابق صوبائی وزیر گلگت بلتستان سہیل عباس، نائب صدر مجلس علما مکتب اہلبیت علامہ اقبال بہشتی، وزیر اعلیٰ کے سابق معاون خصوصی الیاس صدیقی، مولانا عیسیٰ امینی سمیت دیگر قائدین موجود تھے۔