پاکستان نے بہترین دوست کھو دیا، رئیسی انتہائی بابصیرت رہنما تھے، وزیراعظم پاکستان
پاکستانی وزیر اعظم نے کہا ہے کہ پاکستانی قوم غم کی اس گھڑی میں ایرانی قوم کے ساتھ کھڑی ہے۔
شیعیت نیوز : پاکستان کے وزیر اعظم شہباز شریف نے آج وفاقی کابینہ کے اجلاس سے خطاب کرتے ہوئے کہا” پاکستانی قوم غم کی اس گھڑی میں ایرانی قوم کے ساتھ برابر کی شریک ہے۔
صدر رئیسی کی مسلم امہ کیلئے خدمات ہمیشہ یاد رکھی جائیں گی۔
وزیرِ اعظم شہباز شریف نے ایرانی صدر کو خراجِ تحسین پیش کرتے ہوئے کہا ہے کہ ابراہیم رئیسی بصیرت رکھنے والے رہنما تھے، پاکستان نے بہترین دوست کھو دیا۔
وزیرِ اعظم شہباز شریف کی زیرِ صدارت ہونے والے وفاقی کابینہ کا اجلاس میں ایرانی صدر کی شہادت پر تعزیتی قرارداد منظور کی گئی۔
وفاقی کابینہ اجلاس میں ایرانی صدر کو خراج عقیدت پیش کیا گیا۔
وزیرِ اعظم شہباز شریف نے کہا کہ اسلامی جمہوریہ ایران کے عوام کے ساتھ دلی تعزیت کا اظہار کرتے ہیں۔
یہ بھی پڑھیں : آیت اللہ رئیسی کی المناک شہادت عالم انسانیت کا نقصان ہے، مولانا سید صفی حیدر
مشکل کی اس گھڑی میں ہم ایران کے ساتھ کھڑے ہیں۔
ایرانی صدر کی شہادت پر یوم سوگ کا اعلان اور قومی پرچم سرنگوں کیا گیا۔
گزشتہ ماہ ڈاکٹر ابراہیم رئیسی کا دورۂ پاکستان دو طرفہ تعلقات کو مزید مضبوط اور مستحکم کرنے کے حوالے سے سنگِ میل تھا۔
شہباز شریف نے کہا: ڈاکٹر رئیسی کے دورۂ پاکستان کے دوران گزرے خوش گوار لمحات ہمیشہ یاد رکھے جائیں گے۔
وفاقی کابینہ ڈاکٹر ابراہیم رئیسی کے پاکستان ایران تعلقات اور خطے کے حوالے سے ان کی شاندار خدمات پر انہیں خراجِ عقیدت پیش کرتی ہے۔
