کراچی:امریکی قونصلیٹ کے باہر فسلطین کے حق میں احتجاج پرگرفتار طلبا رہا ہوگئے

شیعیت نیوز:یوم مردہ باد امریکہ 16مئی کے سلسلہ میں میں ملک بھر کی طرح کراچی میں احتجاجی ریلی کا انعقاد کیا گیا۔

امریکی قونصلیٹ کے سامنے مظاہرین نے  پر امن احتجاج ریکارڈ کروایا۔

امریکی یونیورسٹیز سے عالمی سامراج امریکہ اور اسرائیل کے خلاف شروع ہونے والی احتجاج تحریک  دنیا بھر میں پھیل چکی ہے۔

کراچی میں بھی جامعات کے طلبہ نے امریکی قونصلیٹ کے سامنے احتجاجی مظاہرہ کیا ۔

یہ بھی پڑھیں:امریکہ میں صہیونی مخالف مظاہروں میں 50 اساتذہ اور 2400 طلباء گرفتار

احتجاج کے دوران پولیس نے دو طلبا کو گرفتار کیا جو بعدازاں رہا کردئیے گئے ۔ۤۤۤ

اس موقع پر پولیس کو یہ باور کروایا گیا کہ مظلوم فلسطین کی حمایت میں احتجاج ہمارا آئینی حق ہے اگر ہمارے کارکنان کو دوبارہ گرفتار کیا گیا تو ملک بھر میں احتجاج ہوگا تھانوں کا گھیراو ہوگا۔

یاد رہے  12 سال قبل شہید علی رضا تقوی نے رسول اکرمﷺ کی شان اقدس میں گستاخی کے خلاف امریکی قونصلیٹ کے سامنے ہونے والےاحتجاجی مظاہرے میں امریکی فوجیوں کی گولی کا نشانہ بن کر شہادت کے مرتبے پر فائز ہوئے تھے

امریکہ میں رسول اکرم ﷺ کی شان اقدس میں گستاخانہ خاکوں کی اشاعت کے خلاف کراچی میں واقع امریکی قونصلیٹ پرلاکھوں افراد کا احتجاجی مظاہرہ منعقد ہوا جس میں چند نوجوانوں جن میں علی رضا تقوی شہید پیش پیش تھے نے امریکی قونصلیٹ پر ’’لبیک یا رسول اللہ ، لبیک یا محمد‘‘ کا پرچم بلند کرنے کی ٹھانی۔

شہید علی رضا تقوی اس عزم کو لئے جیسے ہی امریکی قونصلیٹ کے دروازے کی جانب بڑھے تو دہشتگردی و شیطانیت کے مرکز امریکی سفارتخانے کے اندر موجود دشمن رسول نے شہید علی رضا تقوی کو گولیوں کا نشانہ بناڈالا تھا۔