علامہ عارف واحدی کی گورنر پنجاب سے ملاقات، سیاسی اور سماجی امور پر گفتگو

شیعیت نیوز : شیعہ علما کونسل پاکستان کے مرکزی نائب صدرعلامہ عارف حسین واحدی نے گورنر پنجاب سردار سلیم حیدر خان سے ان کے گاؤں ڈھرنال ضلع اٹک میں ملاقات کی اور مختلف مسائل پر تبادلہ خیال کیا۔

علامہ عارف حسین واحدی نے انہیں گورنر بننے پر مبارکباد پیش کی۔

ملی، سیاسی اور سماجی امور کے علاوہ علاقے اور صوبے کی ترقی اور عوام کو ریلیف دینے کے حوالے سے تفصیلی گفتگو ہوئی۔

یہ بھی پڑھیں : غزہ میں 7 اکتوبر سے اب تک 80 فیصد تعلیمی ادارے تباہ و برباد

ملاقات کے دوران جناب سردار سلیم حیدر نے قائد ملت جعفریہ علامہ سید ساجد علی نقوی کے ساتھ فون پر گفتگو کی اور دعاؤں کی درخواست کی۔

علامہ ساجد نقوی نے ان کو یہ منصب سنبھالنے پر مبارکباد پیش کی۔

نیک خواہشات کا اظہار کیا اور کہا کہ ہم آپ کے لئے دعاگو ہیں۔