امریکا کا فون آنے سے پہلے عمران خان کو رہا کر دیں یہی بہتر ہے، مشاہد حسین

شیعیت نیوز:مسلم لیگ نون کے رہنما اور سینئر سیاستدان مشاہد حسین نے انکشاف کیا کہ سسٹم میں رہنے کے لئے نواز شریف کو صدر بنائے جانے کی تجویز دی گئی تھی۔

نجی چینل کو دیئے جانے والے انٹرویو میں مشاہد حسین سید کا کہنا تھا کہ نواز شریف کو کہا تھا اگر سسٹم میں آنا ہے تو صدر پاکستان بن جائیں، وزیراعظم بننے کا کوئی چانس نہیں۔

یہ بھی پڑھیں:مولانا فضل الرحمان کا یکم جون کو عوامی ملین مارچ کا اعلان

لیگی رہنما نے بتایا کہ ملک میں مینڈیٹ کا یہ حال ہے کہ نگراں وزیراعظم موجودہ حکومت کو تڑی لگا رہا ہے کہ چپ ہوجاؤ ورنہ فارم سینتالیس کی حقیقت کھول دوں گا۔

عمران خان کے حوالے سے انکا کہنا تھا کہ امریکا کا فون آنے سے پہلے عمران خان کو رہا کردیں یہی سب کے لئے بہتر ہے۔