رفح پر حملے کا جواب، صہیونی علاقوں میں خطرے کے سائرن بجنے لگے

شیعیت نیوز:حماس کے عسکری ونگ القسام بریگیڈ نے صہیونی فوجی مرکز پر میزائل حملے کئے ہیں۔

تنظیم نے ایک بیان میں کہا ہے کہ رفح پر صہیونی فوج کی جانب سے زمینی حملے کے جواب میں مجاہدین نے صہیونی علاقے میں فوجی مرکز پر میزائل حملہ کیا ہے۔

بیان میں کہا گیا ہے کہ غزہ کے اطراف میں واقع صہیونی فوجی مرکز پر پانچ میزائل فائر کئے گئے ہیں۔

مقامی ذرائع کے مطابق القسام کے حملے کے بعد صہیونی علاقوں ہاشلوشا اور گیسوویم میں خطرے کے سائرن بجائے گئے ہیں۔

یہ بھی پڑھیں:جامعہ این ای ڈی میں طلباء کا امریکی طلباء کے حق میں احتجاجی

یاد رہے کہ صہیونی جنگی کابینہ کے رکن بنی گینتز نے کہا ہے کہ رفح پر زمینی حملے کا آغاز ہوگیا ہے اور ضرورت کے مطابق حملوں کا دائرہ بڑھانے کا فیصلہ کیا جائے گا۔

دوسری جانب الاقصی بریگیڈ نے صہیونی حملے کے بعد نتساریم میں فوجی اڈے پر بارہ میزائل داغے ہیں۔

صہیونی ریڈیو نے مقاومتی تنظیم کے حملوں کی تصدیق کی ہے۔