دورہ پاکستان کے بعد میری سوچ پاکستان کے لئے مزید مثبت ہو گئی ہے، اہلیہ ایرانی صدر

شیعیت نیوز : جمیلہ علم الہدی نے کہا کہ ہماری خاموشی کی وجہ سے اسرائیل کو حوصلہ ملا کہ وہ اپنی پر تشدد کارروائیاں جاری رکھے ۔

خدا کبھی ان لوگوں کو نہیں بخشے گا جو ان سب کو دیکھتے ہوئے بھی خاموش ہیں ، ان کی خاموشی اس جرم سے بھی بدتر ہے جو فلسطین میں ہورہا ہے۔

اسرائیل کے حوالے سے ایرانی صدر کا اہلیہ کا کہنا تھا کہ غزہ میں جو ہورہا ہے دنیا میں اس کی مثال نہیں ملتی ۔

لیکن ہمیں فخر ہے اپنی ماؤں بہنوں پر کہ وہ ان سب کے باوجود بھی خاموش نہیں بیٹھ رہیں ہیں اور بھر پور انداز میں اسرائیل کا مقابلہ کر رہی ہیں۔

نہ صرف غزہ کی خواتین بلکہ صحافی اور ڈاکٹرز بھی رضاکرانہ طور پر یہاں آئے ہیں۔

عورت کے بارے میں یہ سوچا جاتا ہے کہ ان میں ایک ڈر اور خوف ہوتا ہے لیکن غزہ کی کی خواتین نڈر ہیں ، اسرائیل کی کوشش ہے کہ فلسطین میں نسل کشی کی جائے جبھی وہ بچوں اور عورتوں کو شہید کر رہے ہیں۔

یہ بھی پڑھیٰں : موجودہ حالات کے مدنظر یہ دورہ جات انتہائی اہمیت کے حامل تھے، ایرانی صدر

اسرائیل خود کو حضرت موسیٰ کے پیروکار مانتے ہیں لیکن در اصل وہ فرعون کے پیروکاروں میں سے ہیں ۔

ایرانی خواتین کے بارے میں ایران میں ہونے والے مظالم کی خبروں پر میں چاہتی ہوں کہ مغربی میڈیا ایران آئیں اور حالات خود دیکھیں ۔

جمیلہ علم الہدی کا مزید کہنا تھا کہ میں بہت خوشی محسوس کر رہی ہوں کہ میں نے پاکستان کا دورہ کیا ہے۔

پاکستان آنے سے قبل پاکستان کو لے کرمیری سوچ مثبت تھی لیکن یہاں آ کر میری سوچ مزید مثبت ہو گئی ہے ۔