رفح پر حملے کی صورت میں کوئی مذاکرات نہیں ہونگے، اسماعیل ہنیہ

شیعیت نیوز : فلسطین کی تحریک حماس کے رہنما اسماعیل ہنیہ نے اناطولیہ کے ساتھ انٹرویو میں کہا کہ اگر دشمن رفح پر حملہ کرنا چاہے گا تو فلسطینی قوم سفید پرچم کو بلند نہیں کرے گی بلکہ مزاحمت کرے گی اور فلسطینی قوم اپنے دفاع کے لئے تیار ہے۔

تحریک حماس کے رہنما نے جنگ بندی کے بارے میں مذاکرات کے عمل کے بارے میں کہا کہ صیہونی حکومت جنگ بندی سے راضی نہیں ہے.

وہ اپنے قیدیوں کی واپسی اور جنگ کو دوبارہ جاری رکھنے کے درپے ہے اور ایسا ہونا ہرگز ممکن نہیں ہے۔

یہ بھی پڑھیں : ایران کی مسلح افواج نے عالمی سطح پر اپنی طاقت کا لوہا منوایا، رہبرانقلاب اسلامی

اسماعیل ہنیہ نے اپنے انٹرویو کے دوران علاقے میں جنگ کے دائرے کو وسعت دینے کے مسئلے کا ذکر کیا اور اس کے لیے صیہونی حکومت کو ذمہ دار ٹھہرایا.

لبنان، عراق، یمن، شام اور ایران سمیت خطے میں اسرائیل کے ساتھ محاذ آرائی کا دائرہ پھیل رہا ہے اور یہ سب جاری رہے گا اور جب غزہ کے خلاف صیہونی جارحیت تھم جائے گی تو اس محاذ کی بھی کارروائیاں یقینی طور پر تھم جائيں گی۔