ایران پر نئی پابندیوں کا اعلان عالمی دہرے معیار کی واضح دلیل ہیں، قائد ملت جعفریہ

شیعیت نیوز : قائد ملت جعفریہ پاکستان علامہ سید ساجد علی نقوی نے کہا: مسلسل عالمی دہرا معیار دنیا کے امن کے لئے خطرہ بنتا جا رہا ہے۔

ایک طرف حق دفاع پر بھی اعتراضات اور دوسری طرف نسل کشی کی کھلی چھوٹ۔

اس عالمی ناانصافی، ظلم اور دوغلے پن کی عکاسی کے ساتھ بین الاقوامی دنیا کو مسلسل بدامنی، افراتفری اور بڑی جنگ کی جانب دھکیلنے کے مترادف ہے۔

ایران پر حق دفاع کے باوجود استعماریت کی نئی پابندیوں کا اعلان اور غزہ میں قتل عام کے باوجود قابض صیہونی مافیا کو تھپکی اس کی واضح مثال ہے۔

7 اکتوبر 2023ء کے بعد سے آج تک کونسا ایسا ظلم، ایسا ہتھکنڈا قابض صیہونیت و استعماریت نے غزہ، رفاہ سمیت پورے فلسطین پر نہیں آزمایا۔

یہ بھی پڑھیں : ایرانی صدر اگلے ہفتے پاکستان کا دورہ کریں گے

ہمسائیہ ممالک پر بین الاقوامی قوانین و اقوام متحدہ کی چارٹرڈ کی کونسی خلاف ورزی ہے جو نہیں کی گئی اور حملے کئے گئے۔

قائد ملت جعفریہ نے کہا: افسوس!! اقوام متحدہ جیسے اقوام عالم کے امن کے ٹھیکیدار ادارہ کو دوٹوک، واضح اور جرات مندانہ اقدام اٹھانا چاہئیے تھا۔

حالانکہ وہ اپنی ہی سلامتی کونسل کی قرارداد تک پر عملدرآمد سے قاصر ہے اور اسی دہرے معیار کے سبب بین الاقوامی دنیا کا امن نہ صرف داﺅ پر لگ رہا ہے بلکہ دنیا تیزی سے مسلسل بدامنی، افراتفری اور بڑی جنگ کی جانب دھکیلی جا رہی ہے۔

یہ صورتحال عالمی امن کے خواہاں مہذب اقوام و ممالک، اسلامی دنیا اور بالخصوص پاکستان کے لئے بھی انتہائی تشویشناک ہے کیونکہ پاکستان کی بنیادی ذمہ داری اور اساس مسئلہ فلسطین ہے۔