جے ڈی سی فری لیب میں دنیا کی جدید ترین مشین، گورنر سندھ نے افتتاح کردیا
ظفر عباس کے ہمراہ میڈیا سے گفتگو کرتے ہوئے کامران ٹیسوری نے کہا کہ ہم سب کو جے ڈی سی اور دیگر این جی اوز کا ساتھ دینا چاہیئے، جی ڈی سی ہر شعبہ میں پہل کررہی ہے جو کہ قابل تعریف ہے، ادارے کی جانب سے عوام کی سہولت کے لئے فری ٹرانسپورٹ سروس، کمپیوٹر کورسز اور تعلیم کے شعبے میں بھی خدمات تعریف کے لائق ہیں۔
شیعیت نیوز : گورنر سندھ کامران خان ٹیسوری نے جے ڈی سی فری لیب میں دنیا کی جدید ترین مشین کا افتتاح کردیا۔
اسنائپ ڈائیگناسٹک CX8 مشین ایک گھنٹے میں خون کے 300 ٹیسٹ کرنے کی صلاحیت رکھتی ہے۔
اس موقع پر جے ڈی سی سربراہ ظفر عباس کے ہمراہ میڈیا سے گفتگو کرتے ہوئے گورنر سندھ نے کہا کہ عوام کی فلاح بہبود میں جے ڈی سی کا کردار قابل تحسین ہے۔
انسانی خدمات کے اسی جذبے کے نتیجے میں انہیں تمغہء امتیاز سے نوازا گیا۔
یہ بھی پڑھیں : یمنی فوج کے امریکی اتحاد پر ڈرون حملے، سینٹ کام کی تصدیق
ظفر عباس کے دل میں انسانیت کا درد ہے، وہ لوگوں کو پریشان نہیں دیکھ سکتے، ہم سب کو جے ڈی سی اور دیگر این جی اوز کا ساتھ دینا چاہیئے۔
جے ڈی سی ہر شعبہ میں پہل کررہی ہے جو کہ قابل تعریف ہے۔
ادارے کی جانب سے عوام کی سہولت کے لئے فری ٹرانسپورٹ سروس، کمپیوٹر کورسز اور تعلیم کے شعبے میں بھی خدمات تعریف کے لائق ہیں۔
