سیدہ خدیجۃ الکبریؑ کو دین اسلام میں بڑی فضیلت حاصل ہے، سدرہ کرامت

شیعیت نیوز : منہاج القرآن ویمن لیگ کی مرکزی نائب صدر سدرہ کرامت نے کہا ہے کہ حضرت سیدہ خدیجۃ الکبریؑ حضور نبی اکرم(ص) کی سب سے پہلی رفیقہ حیات ہیں۔

آپؑ نے فضائل و مناقب بے شمار ہیں لیکن نمایاں وصف یہ ہے کہ اپنے مقدس شوہر کی ہر خوشی و غم میں شریک رہنے والی تھیں۔

ام المومنین حضرت سیدہ خدیجۃ الکبریؑ دنیا بھر کی مسلم خواتین کیلئے رول ماڈل کی حیثیت رکھتی ہیں۔

سیدہ خدیجۃ الکبریؑ ایک بے مثال خاتون تھیں۔

یہ بھی پڑھیں : آئی ایس او پاکستان 23مارچ کو یوم قرار داد پاکستان و فلسطین کے عنوان سے منائے گی

حضرت سیدہ خدیجہؑ حسن سیرت، اعلیٰ اخلاق، بلند کردار اور شرافت و مرتبہ کی وجہ سے ”طاہرہ“ کے پاکیزہ لقب سے مشہور تھیں۔

انہوں نے کہا کہ سیدہ خدیجۃ الکبریؑ کو دین اسلام اور بارگاہ مصطفی (ص) میں بڑی فضیلت حاصل ہے۔

حضرت خدیجۃ الکبریؑ نے خاتم النبین حضور نبی اکرم(ص) سے والہانہ محبت کی۔

حضور نبی اکرم (ص) کیلئے راحت و آرام کے تمام اسباب مہیا کئے۔

خوشحالی کے تمام پہلو آپ (ص) پر نچھاور کئے۔

حضور نبی اکرم(ص) کے یہ مبارک الفاظ سیدہ خدیجہ کی لازوال اور بے مثال قربانیوں کی دلیل ہیں کہ حضور(ص) نے فرمایا ”اللہ کی قسم خدیجہ مجھ پر اس وقت ایمان لائیں جب لوگوں نے مجھے جھٹلایا، خدیجہؑ نے مجھے اس وقت جگہ دی جب لوگوں نے مجھے اپنے پاس رکھنے سے انکار کر دیا اور خدیجہؑ سے اللہ نے مجھے اولاد عطا کی۔

سیدہ خدیجۃ الکبریؑ عرب کی معزز و دولت مند خاتون ہونے کیساتھ ساتھ علم و فضل اور ایمان و ایقان میں بھی نمایاں مقام رکھتی تھیں۔

کانفرنس میں انیلہ الیاس، اُم حبیبہ اسماعیل، عائشہ مبشر، لبنی مشتاق، کلثوم قمر، سعدیہ ملک، نورین علوی سمیت دیگر خواتین رہنماؤں نے شرکت کی۔