غزہ کے لیے ہر قسم کی امداد بھیجنے کے لیے تیار ہیں، مصری صدر

شیعیت نیوز: مصر کے صدر عبدالفتاح السیسی نے کہا: رفح کراسنگ کے ذریعے غزہ کی پٹی میں انسانی امداد کے داخلے کی اجازت دینے کے لیے تیار ہیں۔

السیسی نے تاکید کی کہ ہم غزہ کی پٹی میں زیادہ سے زیادہ انسانی امداد پہنچانے کی کوشش کر رہے ہیں۔

ہم معصوم شہریوں کے خلاف خوراک کو بطور ہتھیار استعمال کرنے کے خلاف خبردار کرتے ہیں۔

انہوں نے کہا جنگ کے دوران غزہ کی پٹی میں 70 فیصد سہولیات اور عمارتیں تباہ ہو گئیں۔

ہم جنگ بندی تک پہنچنے کی پوری کوشش کریں گے تاکہ غزہ کے لوگوں بالخصوص بے گناہ شہریوں کی حفاظت کی جا سکے۔”

یہ بھی پڑھیں:امریکہ کی اسرائیل کو ہتھیاروں کی فراہمی کے ساتھ غزہ کے لئے امداد مضحکہ خیز ہے، ایران

السیسی نے مزید کہا ہم رفح شہر پر حملے کے خطرے سے خبردار کر رہے ہیں۔ غزہ کی پٹی کے وسط اور جنوب میں واقع بے گھر افراد کو اس پٹی کے شمال میں واپس آنے کی اجازت دی جائے۔

قبل ازیں السیسی نے رفح پر صیہونی حکومت کے ممکنہ حملے کے بارے میں کہا مصر نے اسرائیل کے رفح شہر پر حملہ کرنے کے منصوبے کے خلاف خبردار کیا ہے جس میں دس لاکھ سے زیادہ فلسطینی آباد ہیں۔

غزہ کے بعد مغربی کنارے کو بھی تشدد اور مکانات مسمار کرنے کی کارروائیوں کے لیے آباد کاروں کو کھلی چھوٹ دے کر فلسطینیوں کی زندگیوں سے کھیلنے کی پالیسی کا سامنا ہے۔

السیسی نے مزید واضح کیا ہم بین الاقوامی قوانین اور معاہدوں کی رو سے اسرائیل کو فلسطینی شہریوں کی زندگیوں کا ذمہ دار ٹھہراتے ہیں۔