ایم ڈبلیو ایم عوامی امنگوں کی ترجمان جماعت ہے، علامہ مقصود ڈومکی

شیعیت نیوز: مجلس وحدت مسلمین کے مرکزی سیکرٹری تنظیم سازی علامہ مقصود علی ڈومکی نے کہا ہے کہ ماہ مبارک رمضان کے دوران فلسطینیوں سے اظہار یکجہتی کے لئے ملک گیر پروگرامز کا انعقاد کیا جائے گا۔

ایم ڈبلیو ایم عوامی امنگوں کی ترجمان جماعت ہے۔ ان خیالات کا اظہار انہوں نے ایم ڈبلیو ایم کے مرکزی دفتر اسلام آباد میں مجلس وحدت مسلمین پاکستان کی مرکزی تنظیم سازی کونسل کے اہم اجلاس سے خطاب کرتے ہوئے کیا۔

علامہ مقصود ڈومکی اجلاس کی صدارت کر رہے تھے، جبکہ پاکستان بھر سے تنظیمی عہدیداران اس موقع پر موجود تھے۔

یہ بھی پڑھیں:معروف اہل سنت عالم ڈاکٹر صداقت فریدی کا احمد جاوید کو منہ توڑ جواب

اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین عوامی امنگوں کی ترجمان جماعت ہے۔

جس نے اپنے انقلابی افکار اور نظریاتی کارکنوں کے سبب ملکی سیاست میں اہم مقام حاصل کر لیا ہے۔

انہوں نے کہا کہ پاکستان بھر میں ایم ڈبلیو ایم یونٹس اپنی فعالیت میں بہتری لانے کے لئے نو نکاتی پروگرام پر عملدرآمد کو یقینی بنائیں۔

جبکہ اضلاع دستور کی روشنی میں اپنے ضلعی شوریٰ اجلاس منعقد کریں۔

انہوں نے کہا کہ ماہ مبارک رمضان میں مظلوم فلسطینیوں سے اظہار یکجہتی کے لئے ملک گیر پروگرامز منعقد کئے جائیں گے، جبکہ عید کے بعد ملک گیر تنظیمی دورہ جات ہوں گے۔

اجلاس میں شعبہ تنظیم سازی کی فعالیت کے حوالے سے اہم فیصلے کئے گئے۔

اجلاس میں مرکزی سیکرٹری یوتھ ونگ علامہ اعجاز حسین بہشتی، مرکزی ڈپٹی جنرل سیکرٹری سلیم صدیقی، صوبائی صدر جنوبی پنجاب علامہ سید اقتدار حسین نقوی، صوبہ سندھ کے جنرل سیکریٹری چوہدری اظہر حسن اور عباس لاڑک سمیت ریاست کشمیر، سندھ، بلوچستان، گلگت بلتستان اور جنوبی پنجاب کے تنظیمی ذمہ داران نے شرکت کی۔