یوکرین کے صدر نے خطرے کی گھنٹی بجا دی

شیعیت نیوز : یوکرین کے صدر ولودیمیر زلنسکی نے کہا ہے کہ اوڈیسا میں ریسکیو آپریشن پورے دن جاری رہا اور اس وقت ایمرجنسی سروسیز، پولیس اور دیگر سروسیز اپنا کام جاری رکھے ہوئے ہیں۔

ہمارے اتحادی ممالک یہ جانتے ہيں کہ کس طرح وہ روسی حملوں کا مقابلہ کرسکتے ہيں.

ہمارے اتحادی ملکوں کے پاس میزائل دفاعی نظام اور میزائلوں اور ڈرونز کے مقابلے میں حفاظت کے کافی زیادہ سسٹمز موجود ہیں.

ان سسٹمز اور ضروری ہتھیاروں کی یوکرین کو فراہمی میں تاخیر، اس طرح کے حملوں اور خطرات کا باعث بن رہی ہے–

یہ بھی پڑھیں : 9 ہزار خواتین کا غزہ میں بے دردی سے قتل، اقوام متحدہ کی رپورٹ

یوکرین کے صدر نے کہا کہ ان دنوں آئے دن لوگوں کی جانوں کا ضیاع ہو رہا ہے.

ایسے میں ہمارے اتحادی ممالک کے حکمراں اور سیاستداں آسانی سے اپنے اندرونی سیاسی کھیل اور اختلافات میں الجھے ہوئے ہيں–

انکریملین کے حکام صرف طاقت کی زبان سمجھتے ہيں.

کہا کہ روس کو شکست دینا ضروری ہے اور یہ مسئلہ ہماری فوجی برتری کے بغیر حاصل نہیں ہوگا اور اس کے لئے ضروری ہے کہ یوکرین کی حمایت میں مغربی ممالک متحد ہوجائيں–

در ایں اثنا یورپی کمیشن کی سربراہ نے تجویز دی ہے کہ یورپی یونین کو چاہئے کہ وہ روس کے منجمد اثاثوں سے حاصل ہونے والے منافع کو، یوکرین کے لیے ہتھیار خریدنے میں استعمال کرے–

یورپی کمیشن کی سربراہ ارزولا وان ڈیرلین نے اسٹراسبرگ میں یورپی پارلیمنٹ کے سیکورٹی اجلاس میں کہا کہ یہ وقت ہے کہ یوکرین کے لیے فوجی سازوسامان کی مشترکہ خریداری کے لیے منجمد روسی اثاثوں سے حاصل ہونے والے منافع کے استعمال پر بات کی جائے۔