پاک ایران گیس پائپ منصوبہ روکنے میں امریکہ نے کوئی ہدایت نہیں دی،ترجمان دفترخارجہ

 شیعیت نیوز:صحافیوں کو ہفتہ وار بریفنگ دیتے ہوئے ترجمان دفترخارجہ ممتاز زہرا بلوچ نے کہا کہ پاکستان ایران گیس پائپ منصوبے سے متعلق ترجمان نے کہا کہ منصوبے سے متعلق کابینہ توانائی کمیٹی فیصلہ کرچکی ہے۔

ایران پاکستان گیس پائپ لائن پاکستان کے لیے اہم ہے۔

اس وقت توانائی کا حصول پاکستان کی ترجیحات میں شامل ہے۔

توانائی کمیٹی نے پہلے مرحلے میں پاکستان میں 80 کلومیٹر پائپ لائن کی تعمیر کی منظوری دی ہے ابھی تک آئی پی میں کسی تیسرے ملک کے شمولیت کا علم نہیں۔

انہوں نے مزید کہا کہ کوئی بھی ملک پاکستان کو ہدایات نہیں دے سکتا، پاکستان ایک آزاد اور خودمختار ملک ہے.

ہم پاکستان کے اندرونی معاملات میں آزادانہ فیصلے کرنے پر یقین رکھتے ہیں۔