صہیونی حکومت کو ہتھیار فروخت کرنے پر پابندی عائد کی جائے، او آئی سی

شیعیت نیوز: اسلامی تعاون کونسل کے سربراہ نے صہیونی حکومت کو ہتھیار فروخت کرنے پر پابندی کا مطالبہ کیا ہے۔

تفصیلا ت کے مطابق القدس العربی نے کہا ہے کہ حسین ابراہیم طہ نے دی ہیگ میں اسرائیلی جارحانہ پالیسیوں کے نتائج کے عنوان سے ایک اجلاس سے خطاب کرتے ہوئے کہا کہ عالمی برادری صہیونی حکومت کو ہتھیار فروخت کرنے پر پابندی عائد کرے۔

یہ بھی پڑھیں:جنگ بندی مذاکرات میں تاحال کوئی معاہدہ نہیں ہوسکتا، قطر

انہوں نے کہا کہ امریکہ اور مغربی ممالک کی طرف سے فراہم کئے گئے ہتھیار غزہ میں فلسطینی بے گناہ شہریوں کے خلاف استعمال کئے جاتے ہیں۔

فلسطینی عوام کے قتل عام سے انسانی المیہ وجود میں آسکتا ہے۔

انہوں نے کہا کہ غرب اردن اور مقبوضہ بیت المقدس میں امن کے قیام کے لئے ایک فلسطینی حکومت کا قیام ضروری ہے۔