ہم نے ہتھیار ڈالنا نہیں سیکھا، وزارت لینے کے بجائے حق پر چلیں گے، مولانا فضل الرحمان

شیعیت نیوز: جمعیت علمائے اسلام کے سربراہ مولانا فضل الرحمان نے کہا کہ ہم نے ہتھیار ڈالنا سیکھا نہیں، ہم وزرات کی کرسی پر براجمان ہونے کے بجائے حق کے راستے پر چلیں گے۔

سربراہ جمعیت علمائے اسلام مولانا فضل الرحمان نے مجلس شوریٰ کے اجلاس کے شرکاء سے خطاب کرتے ہوئے کہا کہ جے یو آئی کو ہرایا گیا ہے۔

پہلا آئین 1973ء میں بنا، جس میں ہمارے بڑوں کی کافی خدمات ہیں۔

مولانا فضل الرحمان نے کہا کہ 1973ء سے لیکر اب تک ایک بھی قانون سازی اسلامی تعلیمات کے مطابق نہیں ہوئی، ہمیشہ ملک کی ترقی کا سوچا۔

تمام توانائی ملک کی ترقی میں خرچ کی ہے، جے یو آئی کو نہ قومیت اور نہ ہی فرقہ واریت کی سیاست کرنی ہے۔

یہ بھی پڑھیں:عمران خان اور بشریٰ بی بی پر190 ملین پاؤنڈ ریفرنس میں فرد جرم عائد

سربراہ جے یو آئی نے کہا کہ ہمارے رویوں میں کسی کے خلاف کوئی تعصب نہیں ہے۔

ایک دوسرے پر جب کفر کے فتوے لگائے تو جمعیت نے اس اقدام کو غلط قرار دیا، کچھ ایسی قوتیں بھی پیدا ہوئی ہیں، جو اسلحہ پر اسلام کا نفاذ کرنا چاہتی ہیں لیکن ہم اس کے خلاف ہیں۔

انہوں نے مزید کہا کہ روزانہ کی بنیاد پر ہمیں بتایا جاتا ہے کہ آپ کی زندگی کو خطرہ ہے۔

ہم آئین اور قانون کے مطابق کام کرنا چاہتے ہیں، ملک اور آئین کی وفاداری میں ہم نے جانیں دی ہیں۔