امریکی حملوں سے خطے کی سلامتی اور استحکام کو خطرہ لاحق ہے، عمان

شیعیت نیوز: عمانی وزیر خارجہ بدر البوسعیدی نے شام اور عراق کے خلاف امریکی فوجی مہم جوئی اور جارحیت پر تنقید کرتے ہوئے کہا ہے کہ ان حملوں سے خطے کی سلامتی اور استحکام کو خطرہ لاحق ہو گیا ہے۔

بین الاقوامی نیوز ایجنسی کے مطابق انہوں نے شام اور عراق میں امریکی حملوں کا ذکر کرتے ہوئے کہا کہ ہم پہلے ہی غزہ میں بلاجواز اسرائیلی جارحیت کی وجہ سے پیدا ہونیوالی کشیدگی کا حل تلاش کرنے کے لیے کوشاں ہیں۔

عراق اور شام کے حدود میں بے ہودہ، بے فائدہ اور بلاجواز امریکی حملوں کیوجہ سے خطے کی سلامتی، امن اور استحکام داو پر لگ گیا ہے۔

یہ بھی پڑھیں:غزہ پر وحشیانہ صیہونی بمباری، چوبیس گھنٹے میں 107 فلسطینی شہید

ان کا کہنا تھا کہ ان حملوں کیوجہ سے پچیدہ اور مشکل صورتحال اور تناو میں پائیدار امن کے لیے حل نکالنے کی کوششوں کو شدید دھچکا لگا ہے۔

غزہ کی پٹی میں صیہونی حکومت کی جاری ظالمانہ جارحیت میں دسیوں ہزار بے گناہ فلسطینیوں بالخصوص بچوں اور خواتین کے شہید اور زخمی ہونے کا ذکر کرتے ہوئے انہوں نے کہا کہ عمان کا موقف یہ ہے کہ ان حالات کا سبب بننے والے عوامل جائزہ لیا جائے۔

تنازع کا حل فلسطین کی آزاد ریاست کو تسلیم کرنے اور مقبوضہ علاقوں سے اسرائیلی فوجیوں کے انخلاء میں ہے۔