ضرورت پڑنے پر دھرنے میں خود شرکت کرونگا، آغا راحت حسین
03 فروری, 2024 05:43
شیعیت نیوز:۔ عوامی ایکشن کمیٹی کا چارٹر آف ڈیمانڈ (مطالبات) گلگت بلتستان کے ایک ایک فرد کی دل کی آواز ہے جن کے حل کیلئے سنجیدہ اقدامات کی ضرورت ہے۔
حکومت میں اسمبلی ممبران بھی اس علاقے کے فرزند ہیں، انہیں چاہئے کہ وہ عوامی ایکشن کمیٹی کے ذمہ داران سے مذاکرات کرکے مسائل کا حل نکالے بصورت دیگر استعفی دیکر دھرنے میں شامل ہو جائے۔
ضرورت پڑنے پر میں خود بھی دھرنے میں شرکت کروں گا۔
ان خیالات کا اظہار قائد ملت جعفریہ گلگت بلتستان آغا سید راحت حسین الحیسنی نے گلگت میں جمعہ اجتماع سے خطاب کرتے ہوئے کیا۔
انہوں نے کہا سرد موسم میں کئی دنوں سے اپنے حقوق کیلئے دھرنے اور احتجاج کرنے والے جی بی کے عوام کو ہمارا سلام ہو۔
جی بی عوام، تنظیمات، انجمنوں اور مختلف کمیٹیوں میں شامل افراد سے گزارش کرونگا کہ وہ دھرنوں میں بھرپور شرکت اور منتظمین سے تعاون کریں۔
