پاک ایران تعلقات میں بہتری کے بعد فضائی ٹریفک معمول پر آنے لگی

شیعیت نیوز : ذرائع سول ایوی ایشن اتھارٹی (سی اے اے) کے مطابق پاکستان کی حدود میں پروازوں کی تعداد میں اضافہ ہوگیا۔

ذرائع سی اے اے نے بتایاکہ مغربی سمت سے پاکستان کی حدود آنے والی پروازوں کی تعداد معمول پرآگئی اور یومیہ 700 پروازیں پاکستان کی فضائی حدود سے گزر رہی ہیں

خیال رہے کہ گزشتہ دنوں پاک ایران کشیدگی کے باعث فضائی ٹریفک میں کمی آگئی تھی۔

یاد رہے کہ گزشتہ دنوں ایران نے پاکستان کی فضائی حدود کی خلاف ورزی کرتے ہوئے بلوچستان کے علاقے پنگجور میں ایک چھوٹے سے گاؤں پر میزائل حملےکیے جس میں 2 بچیاں شہید اور 3 زخمی ہوگئیں۔

یہ بھی پڑھیں :پاکستانی اور ایرانی عوام کے لیے ایک دوسرے پر حملے تشویش اور صدمہ کا باعث بنے، لیاقت بلوچ

پاکستان نے ایران کے سفیر کو ملک بدر اور اپنے تہران میں تعینات سفیر کو واپس بلا لیا تھا۔

پاکستان نے اگلی صبح ہی ایران کے حملوں کا بھرپور جواب دیتے ہوئے سیستان میں دہشت گردوں کے ٹھکانوں کو نشانہ بنایا جس میں متعدد دہشت گردوں کی ہلاکتوں کی اطلاعات ہیں۔

ایران کے سرکاری میڈیا نے بھی سیستان میں پاکستانی فورسز کے حملوں کی تصدیق کرتے ہوئے بتایا کہ حملوں میں ہلاک ہونے والے ایرانی شہری نہیں ہیں۔

تاہم گزشتہ روز پاکستان نے ایران کے ساتھ کشیدگی ختم اور سفارتی تعلقات بحال کرنے کا فیصلہ کیا ۔