حیفا میں دھماکے سے اسرائیلی تیل ریفائنریاں بند

شیعیت نیوز : خبررساں ایجنسی کے مطابق صیہونی ذرائع ابلاغ نے آج (اتوار کو) اس بڑے اور زوردار دھماکے کی تصویریں شائع اور نشر کرتے ہوئے کہا ہے کہ یہ دھماکہ حیفا ریفائنریوں کے قریب ہوا ہے اور ابھی تک دھماکے کی وجہ معلوم نہیں ہوسکی ہے۔

اطلاعات کے مطابق اس دھماکے کے بعد حیفا کی ریفائنریوں کو مکمل طور پر بند کر دیا گیا ہے۔

غاصب اسرائیلی میڈیا نے ابھی تک اس دھماکے سے ریفائنریوں کو پہنچنے والے ممکنہ جانی و مالی نقصان کے بارے میں تفصیلات سے آگاہ نہیں کیا ہے۔

یہ بھی پڑھیں :صیہونی اخبار ہاآرتص: مسٹر نیتن یاہو، “مسٹر شِکست”!

اس کے ساتھ ہی میڈیا میں مقبوضہ حیفا پر میزائل داغے جانے کے امکان کے بارے میں صہیونی حکام نے اس دھماکے کی وجہ کے بارے میں متضاد دعوے کیے ہیں۔

غاصب اسرائیلی حکومت کی وزارت برائے تحفظ ماحولیات نے دعویٰ کیا تھا کہ حیفا میں جو کچھ ہوا وہ ایک فیکٹری میں خرابی کی وجہ سے ہوا ہے۔

صیہونی حکومت کے آگ بجھانے والے شعبے نے بھی دعویٰ کیا ہے کہ حیفا کا دھماکہ ایک ری ایکٹر میں ہوا ہے اور ابتدائی اندازوں سے معلوم ہوتا ہے کہ یہ دھماکہ ری ایکٹر کے اندر دباؤ پیدا ہونے کی وجہ سے ہوا ہے۔

اس خوفناک دھماکے کے بارے میں مزید تفصیلات تاحال سامنے نہیں آئی ہیں۔