اپنے ہی ہتھیاروں کا شکار ہوگئے اسرائیلی فوجی

شیعیت نیوز : رپورٹ کے مطابق، اسرائیلی حکومت کے میڈیا نے غزہ پٹی میں گزشتہ روز ہلاک ہونے والے چار فوجیوں کے علاوہ مزید 6 صیہونی فوجیوں کی ہلاکت کی خبر دی ہے۔

اسرائیلی فوج نے منگل کی صبح اعلان کیا کہ کل کی جھڑپوں میں اس کے چار فوجی ہلاک اور چھ دیگر زخمی ہوئے۔

عبرانی میڈیا نے بھی فوج کا حوالہ دیتے ہوئے مزید 6 فوجیوں کی ہلاکت کی خبر دی۔

یہ بھی پڑھیں :اسرائیل کے خلاف مقدمہ چلانے کے لئے مصر میں دستخطی مہم

ان اطلاعات کے مطابق آج غزہ میں فوج کی جانب سے جن فوجیوں کی ہلاکت کا اعلان کیا گیا ان میں سے 6 فوجی ٹرک میں بارودی مواد کے پھٹنے سے ہلاک ہوگئے۔

اس ٹرک کا دھماکہ خیز مواد مزاحمتی تنظیموں کی سرنگوں پر بمباری اور انہیں تباہ کرنے کے لیے استعمال کیا جانا تھا۔

اسرائیلی ویب سائٹ وللا نے اطلاع دی ہے کہ غزہ پٹی میں بارود سے بھرے ٹرک کے دھماکے میں 6 اسرائیلی فوجی ہلاک اور 30 ​​زخمی ہو گئے ہیں۔

اسرائیلی فوج نے آج اعلان کیا کہ گزشتہ 24 گھنٹوں کے دوران غزہ میں جھڑپوں کے دوران اس کے 27 فوجی زخمی ہوئے۔