استقامت کے رہنماؤں کا قتل، صیہونی حکومت کی شکست میں تیزی لائے گا

شیعیت نیوز : فلسطین کی تحریک حماس کے رہنما خالد مشغل نے ایک ریکارڈڈ تقریر میں کہا کہ تحریک استقامت کی جنگ صیہونی دشمن سے ہے اور وہ قطر سمیت سبھی عرب ملکوں کی سلامتی اور مفادات کے تحفظ کو اہمیت دیتی ہے۔

انہوں نے لبنان کے دارالحکومت بیروت میں صیہونی حکومت کے ایک دہشت گردانہ ڈرون حملے میں حماس کے سیاسی شعبے کے نائب سربراہ صالح العاروری اوران کے جھے ساتھیوں کی شہادت کا ذکر کرتے ہوئے کہا کہ دشمن نے العاروری کو دہشت گردانہ حملے میں قتل کرکے اپنا داخلی بحران، مقبوضہ فلسطین سے باہر لے جانے اور اپنی جارحیت کا دائرہ وسیع تر کرنے کی کوشش کی ہے۔

یہ بھی پڑھیں :غزہ پر وحشیانہ صیہونی بمباری، 9 فلسطینی شہید اور متعدد زخمی

انہوں نے کہا کہ یہ دہشت گردانہ قتل، تین مہینے سے جاری غزہ کے عوام کے خلاف وحشیانہ حملوں اور نسل کشی کے اہداف میں صیہونی دشمن کی شکست اور ناامیدی کے بعد کیا گیا ہے۔