غزہ پر اسرائیل کی وحشیانہ بمباری، ڈھائی ماہ میں تقریباً 30ہزار بم برسا دیے
غزہ میں قائم 4 لاکھ 39 ہزار گھروں میں سے 70 فیصد عمارتیں اور گھر تباہ ہو گئے۔
شیعیت نیوز: غزہ پر تقریباً تین ماہ گزرنے کے باوجود اسرائیل کی بمباری جاری ہے
اس عرصے میں اسرائیل نے غزہ پر تقریباً 30 ہزار بم گرائے جس کے نتیجے میں 70 فیصد علاقہ مکمل طور پر تباہ ہو گیا۔
ووال اسٹریٹ جرنل کی جانب سے شائع رپورٹ کے مطابق دسمبر کے وسط تک اسرائیل نے غزہ کی پٹی پر 29ہزار بم گرائے
جس کے نتیجے میں غزہ میں قائم 4 لاکھ 39 ہزار گھروں میں سے 70 فیصد عمارتیں اور گھر تباہ ہو گئے۔
رپورٹ کے مطابق 4 لاکھ 39 ہزار میں سے 3 لاکھ سے زائد تباہ ہو چکے ہیں۔
یہ بھی پڑھیں: اسرائیلی جارحیت کے نتیجے میں فلسطینی صحافی اپنے گھر والوں کے ہمراہ شہید
اسرائیلی بمباری سے صرف فلسطینیوں کے گھروں کو نقصان نہیں پہنچا بلکہ متعدد بازنطینی چرچوں، تاریخی مساجد، شاپنگ مال، ہوٹل، سینما و تھیٹر اور اسکول بھی ملبے کا ڈھیر بن گئے۔
رپورٹ کے مطابق تباہ کن بمباری میں جن بجلی، پانی اور صحت کی تنصیبات کو نقصان پہنچا، ان کی مرمت نہیں کی جاسکتی۔
غزہ کی وزارت صحت کے مطابق گزشتہ 24 گھنٹوں کے دوران بمباری میں مزید 165 فلسطینی باشندے شہید ہو گئے
جس کے بعد 7 اکتوبر سے اب تک شہید ہونے والے فلسطینیوں کی مجموعی تعداد 21 ہزار 672 ہو گئی ہے۔
انہوں نے کہا کہ شہید ہونے والوں میں اکثریت عام شہریوں کی ہے بلکہ اس میں سے 312 محکمہ صحت کے افراد ہیں۔
