صدہ بازار ضلع کرم میں مسافر کوچ پر دہشت گردوں کا حملہ،جوابی کاروائی سے تکفیری پسپا

 شیعیت نیوز: خیبرپختونخوا کے ضلع کرم سے پشاور جانے والی مسافر کوچ پر صدہ بازار کے قریب فائرنگ کی گئی ہے، جس کے نتیجے میں ایک شخص زخمی ہوا ہے۔

 کرم پولیس نے بتایا کہ بس پر فائرنگ سے ایک مسافر زخمی ہوا ہے، جبکہ گاڑی کو نقصان پہنچا ہے۔

پولیس کا مزید کہنا تھا کہ تخریب کاروں نے مسافروں کو نشانہ بنانے کی کوشش کی، کوچ میں سوار ایک مسافر کی جوابی فائرنگ سے تخریب کار فرار ہوگئے۔

یہ بھی پڑھیں:’صفورہ بس حملہ فرقہ وارانہ دہشت گردی تھی‘

ڈی پی او محمد عمران کے مطابق واقعے کے بعد پولیس کا سرچ آپریشن جاری ہے، 4 مشتبہ افراد گرفتار کر لیا گیا ہے۔

خیال رہے کہ تین روز قبل بھی ہنگو کے قریب کوچ پر نامعلوم افراد کی فائرنگ سے 2 افراد جاں بحق جبکہ 4 زخمی ہو گئے تھے۔