متحدہ اپوزیشن عوامی احتجاج میں شریک ہونے کیلئے ہر وقت تیار ہے، کاظم میثم
شیعیت نیوز : اپوزیشن لیڈر گلگت بلتستان اسمبلی کاظم میثم نے اپنے ایک بیان میں کہا ہے کہ گندم کی قیمتوں میں ہوشربا اضافہ کے خلاف عوامی احتجاج پر حکومت کو ہوش کے ناخن لینا چاہیے۔
متحدہ اپوزیشن بھی عوامی احتجاج میں شمولیت کے لیے ہر لحظہ تیار ہے۔
عوامی کوآرڈینیشن کمیٹی اور ملی قائدین جب کہیں عوام کے درمیان ہمیں پائیں گے۔
ہم چاہتے ہیں کہ عوامی احتجاج کو سیاسی رنگ نہ ملے۔ یادگار شہداء پر آج پیپلز پارٹی اور نون لیگ کے رہنما بھی خطاب میں شامل جبکہ دوسری طرف یہی لوگ حکومت چلا رہے ہیں۔
پیپلز پارٹی اور نون لیگ کو چاہیے کہ اس خطے کے عوام کی فکر کرے اور اس ایشو کو فورا حل کرے۔
یہ بھی پڑھیں :مسلم حکمران غزہ پر بمباری رکوانے کے اقدامات کو یقینی بنائیں،متحدہ علماء محاذ
ان کا کہنا تھا کہ گلبر رجیم اب بھی وفاق پر دباؤ ڈالے تو معاملے کا حل نکل سکتا ہے لیکن چند وزراء اپنے فیصلے پر ڈٹنے کو کامیابی سمجھ رہے ہیں۔
جب کہ کامیابی عوام کی آواز میں آواز ملانا ہے۔
عوامی حقوق کے لیے اور ملی معاملات کے حل کے لیے ہم اپنا سب کچھ قربان کرنے کو تیار ہے۔
ہم عوامی حقوق کے لیے اٹھنے والی تمام تحریک کے ساتھ ہیں۔
کاظم میثم نے مزید کہا کہ صوبائی حکومت نے اب تک ایک پریس کانفرنس بھی وفاق کے خلاف گندم کے معاملے کے حل کے لیے نہیں کی۔
آج بھی حکومت وفاق کے خلاف احتجاج کرے ہم بھرپور ساتھ دیں گے۔
