سلام پیش کرتا ہوں حزب اللہ، حماس اور انصاراللہ کے جوانوں کو جنہوں اسرائیل کو ناکوں چنے چبوائے ہیں،سربراہ جمیعت علمائے اہلحدیث ضیاء اللہ شاہ بخاری

شیعیت نیوز: سربراہ جمیعت علمائے اہلحدیث ضیاء اللہ شاہ بخاری نے ملتان میں مجلس وحدت مسلمین پاکستان کے زیراہتمام منعقدہ آزادی فلسطین مارچ سے خطاب کرتے ہوئے کہا کہ زندہ دلان ملتان کو سلام پیش کرتا ہوں، جنہوں نے عظیم الشان مارچ کیا، علامہ راجہ ناصر عباس جعفری اور اُن کے رفقاء لائق تحسین ہیں، اسرائیلی بربریت کے خلاف کوئی بات نہیں کرتا، کیونکہ سب امریکہ کی کاسہ لیسی میں لگے ہوئے ہیں، سلام پیش کرتا ہوں حزب اللہ، حماس اور انصاراللہ کے جوانوں کو جنہوں اسرائیل کو ناکوں چنے چبوائے ہیں۔

یہ بھی پڑھیں: ملتان:مجلس وحدت مسلمین کاسب سے بڑا حمایت فلسطین مارچ،علامہ راجہ ناصر عباس جعفری کا خطاب

دوسری جانب اسرائیلی سفاکیت کو روکنے میں جہاں عالمی برادری ناکام ہے، وہاں اسلامی ممالک اور عرب لیگ بھی مکمل خاموش تماشائی بنی ہوئی ہے، آج جس طرح فلسطینی عوام کا قتل عام ہو رہا ہے، حق بنتا تھا کہ تمام کلمہ گو متحد ہو کر اسرائیل کو واضح اور جرآت مندانہ پیغام دیتے، جنگ بندی کی قرارداد کو امریکہ کا ویٹو کرنا مسلم حکمرانوں کے منہ پر طمانچہ ہے۔