صہیونی بدمست ہاتھی نے ایک بار پھر قیامت ڈھادی،100 سےزائد شہید

 شیعیت نیوز: سات روزہ جنگ بندی کے بعد غزہ بھر میں صہیونی فوج نے پوری شدت کے ساتھ حملے شروع کر دیے۔

غیر ملکی میڈیا کے مطابق غزہ کے وسطی، مغربی اور جنوبی علاقوں میں بم باری کی گئی ہے، خان یونس اور جبالیہ میں گھر کو نشانہ بنایا گیا ہے۔

رپورٹس کے مطابق صبح سے شروع ہونے والے اسرائیلی حملوں میں 109 فلسطینی شہید ہو گئے، جن میں خواتین اور بچوں کی بڑی تعداد شامل ہے۔

غیر ملکی میڈیا کے مطابق مختلف علاقوں میں شدید جھڑپیں جاری ہیں۔

یہ بھی پڑھیں:غزہ پر اسرائیلی حملوں کا دوبارہ آغاز

صہیونی حکومت نے آج حماس پر جنگ بندی معاہدے کی خلاف ورزی کا الزام عائد کرتے ہوئے غزہ پر دوبارہ حملے شروع کرنے کا اعلان کیا تھا۔

اسرائیلی وزیرِ اعظم کے دفتر نے غزہ جنگ میں اپنے اہداف حاصل کرنے کے عزم کا اظہار کیا ہے۔

واضح رہے کہ قطر اور مصر کی ثالثی میں 24 نومبر کو اسرائیل اور حماس کے درمیان غزہ میں عارضی جنگ بندی کا معاہدہ ہوا تھا۔