نواز شریف عدالت میں پیش ہوگئے

شیعیت نیوز: رپورٹوں کے مطابق پاکستان کے سابق وزیراعظم اور مسلم لیگ ن کے سربراہ میاں نواز شریف اپنے وکیلوں کی ٹیم کے ہمراہ عدالت میں پیش ہوئے۔

میاں نواز شریف کی سزاؤں کے خلاف اپیلوں کی سماعت چیف جسٹس عامر فاروق اور جسٹس گل حسن اورنگزیب پر مشتمل اسلام آباد ہائی کورٹ کا دو رکنی بینچ کررہا ہے۔

یہ بھی پڑھیں:ناصرشیرازی نے امریکی ایماء پر مسئلہ فلسطین کے دوریاستی حل کا مطالبہ پاکستان کی نظریاتی اساس سے انحراف قرار دے دیا

بتایا گیا ہے کہ میاں نواز شریف کے وکیلوں نے آج کی سماعت کے دوران اپیلوں کے حوالے سے دلائل پیش کئے ۔

یاد رہے کہ چھبیس اکتوبر کو اسلام آباد ہائی کورٹ نے سزاؤں کے خلاف میاں نواز شریف کی اپیل بحال کردی تھی ۔

میاں نواز شریف اکیس اکتوبر کو پاکستان واپس لوٹے تھے اور تیئیس اکتوبر کو سزاؤں کے خلاف اپیلوں کی بحالی کی درخواست اسلام آباد ہائی کورٹ میں دائر کی تھی۔