عارضی جنگ بندی کے بعد نفسیاتی جنگ جاری،اسرائیل کی دھمکیاں

شیعیت نیوز:چا روز عارضی جنگ بندی کے بعد نفسیاتی جنگ جاری ہے ۔

اسرائیل نے فسلطین کو دھمکی دیتے ہوئے کہا ہے کہ جنگ ابھی ختم نہیں ہوئی غزہ والے جنوب سے شمال جانے کی غلطی نہ کریں۔

اسرائیل نے عارضی جنگ  بندی کے بعد طیاروں سے غزہ پہ دھمکی آمیز پمفلٹ گرائے

جنگ بندی کے باوجود اسرائیلی فوج نے رفح اور خان یونس سے شمالی غزہ واپس جانے والے فلسطینی شہریوں پر فائرنگ کرکے 2 افراد کو شہید اور 11 کو زخمی کر دیا۔

الجزیرہ کی رپورٹ کے مطابق جنگ بندی کے بعد شمال سے جنوب جانے والے متعدد افراد واپس اپنے گھروں میں جانے کی کوشش کر رہے ہیں۔

ایسے ہی افراد کے ایک گروپ پر اسرائیلی فوجیوں کی جانب سے فائرنگ کی گئی تھی۔

 اسرائیل کی جانب سے پمفلٹ کے ذریعے فلسطینی شہریوں کو شمالی غزہ میں نہ جانے کا انتباہ کیا گیا ہے۔

ان پمفلٹس میں لکھا ہے کہ غزہ میں جنگ ابھی ختم نہیں ہوئی اور شمالی غزہ ایک جنگی علاقہ ہے، جہاں شہریوں کو جانے سے گریز کرنا چاہیے۔

یہ بھی پڑھیں:ہر یرغمالی کے بدلے 3فلسطینیوں کی رہائی کامعاہدہ،39 فسلطینی رہا ہوگئے

اسرائیلی فوج کی جانب سے شمالی اور جنوبی غزہ کو ملانے والی شاہراہ صلاح الدین کو بھی بند کیا گیا ہے۔

واضح رہے کہ غزہ میں اسرائیلی جارحیت کو 49 روز ہوگئے ہیں جس کے دوران 14 ہزار 800 سے زائد فلسطینی شہری شہید ہوچکے ہیں جن میں 4 ہزار خواتین اور 6150 بچے بھی شامل ہیں۔

اس عرصے میں 36 ہزار سے زائد فلسطینی شہری اسرائیل کی وحشیانہ کارروائیوں کے دوران زخمی ہوئے جبکہ 7 ہزار سے زائد اب بھی گمشدہ ہیں۔

جن کے بارے میں خیال کیا جا رہا ہے کہ وہ عمارات کے ملبے تلے دبے ہوئے ہیں۔

اسرائیلی جارحیت سے شمالی غزہ میں موجود 24 میں سے 22 جبکہ جنوبی غزہ کے 11 میں سے 3 اسپتال بند ہوچکے ہیں۔

اسرائیلی کارروائیوں سے غزہ کے 50 فیصد سے زائد رہائشی عمارات تباہ ہوچکی ہیں یا انہیں نقصان پہنچا ہے۔

اسی طرح 167 مساجد شہید کی جاچکی ہیں۔