لبنان، اسرائیل کی بزدلانہ کارروائی میں دو صحافی شہید

شیعیت نیوز: بیروت سے نشر ہونے والے عالمی ٹی وی چینل الميادين نے اسرائیلی بمباری میں اپنی رپورٹر اور کیمرا مین کی شہادت کی تصدیق کرتے ہوئے اسرائیل کی بزدلانہ کارروائی کی مذمت کی ہے۔

المیادین نے خبر دی ہے کہ جنوبی لبنان میں غاصب اسرائیلی حملے میں شہید ہونے والے تین شہریوں میں سے دو کی شناخت المیادین ٹی وی کی رپورٹر فرح عمر اور کیمرا مین ربیع معماری کے نام سے ہوئی ہے۔

یہ بھی پڑھیں : حماس اور اسرائیل کے درمیان سیز فائر مذاکرات آخری مرحلے میں ہیں، مجید آل انصاری

بیروت سے نشر ہونے والے عالمی ٹی وی چینل الميادين نے اسرائیلی بمباری میں اپنی رپورٹر اور کیمرا مین کی شہادت کی تصدیق کرتے ہوئے اسرائیل کی بزدلانہ کارروائی کی مذمت کی ہے۔

غزہ میں فلسطینی اتھارٹی کے میڈیا آفس نے منگل کو اعلان کیا ہے کہ غزہ جنگ کے دوران صحافیوں کے خلاف قابض صیہونی حکومت کے ٹارگٹڈ جرائم کا سلسلہ 7 اکتوبر سے جاری ہے اور شہداء کی تعداد 62 تک پہنچ گئی ہے۔

یہ بھی پڑھیں : ضلع نیلم:امام موسیٰ کاظم ؑکی شان ِاقدس میں گستاخی، پیرزادہ عمران کی گرفتاری کا مطالبہ

المیادین نیٹ ورک کے ڈائریکٹر غسان بن جدو نے اس نیٹ ورک کے صحافیوں کی شہادت پر ردعمل دیتے ہوئے کہا کہ ہمارے شہداء غزہ میں شہداء کے قافلے میں شامل ہو گئے ہیں۔ بزدل دشمن نے براہ راست ہماری نیوز ٹیم کو نشانہ بنایا ہے، اور میں سمجھتا ہوں کہ بزدل دشمن نے جان بوجھ کر ہمارے صحافیوں کو نشانہ بنایا ہے ۔