اسرائیل کے ایک اور حامی نے اسرائیل کی پسپائی کا اعتراف کرلیا

 شیعت نیوز: معروف کاروباری شخصیت ایلون مسک نے کہا ہے کہ اسرائیل نے غزہ میں نسل کشی کرکے اپنے خلاف مزید جنگجو پیدا کیے ہیں

اگر آپ نے اتنے لوگ مارے نہ ہوں جتنے اپنے خلاف پیدا کر دیے ہوں تو آپ جیتے نہیں بلکہ ہارے ہیں۔

غزہ میں جتنے لوگ متاثر ہوں گے اتنے ہی اسرائیل کے لیے خطرناک ہوں گے۔

ایلون مسک نے ایک پوڈ کاسٹ کے دوران گفتگو کرتے ہوئے کہا کہ اسرائیل جس طرح فلسطین میں نسل کشی کر رہا ہے وہ کسی کے لیے بھی قابل قبول نہیں ہوسکتا ہے۔

یہ ایک مسئلہ جس کو حل ہونا چاہیے اور یہاں مکمل طور پر امن قائم ہونا چاہیے۔

انہوں نے کہا کہ سوال تو یہ پیدا ہوتا ہے کہ اگر آپ غزہ میں لوگوں اور بچوں کو مارتے ہیں تو آپ یہ سمجھ لیں کہ آپ حماس یا جنگجوؤں کی تعداد میں بھی تو اضافہ کر رہے ہیں،

اور مزید جتنے لوگ متاثر ہوتے جائیں گے وہ اسرائیل کے لیے خطرناک ہوتے جائیں گے۔

یہ بھی پڑھیں:https://shiite.news/ur/?p=654168

ایلون مسک نے جنگجوؤں کو مزید موقع دینا اسرائیل کی ناکامی قرار دیتے ہوئے کہا کہ جتنے لوگ بچ رہے ہیں وہ حریت پسند گروپس میں شامل ہو رہے ہیں

اور بدلہ لینے کے لیے اسرائیلیوں کو مار رہے ہیں۔ یہ کسی بھی طرح اسرائیل کی کامیابی نہیں سمجھی جا سکتی۔

ان کا مزید کہنا تھا کہ بہرحال اسرائیل فلسطین تنازع ایک پیچیدہ مسئلہ ہے، اور اس پر زیادہ بات کرنا ممکن بھی نہیں ہے۔

ان کے مطابق اس مسئلے کا حل صرف اور صرف طویل مدت کے لیے امن کا قائم ہونا ہے ورنہ یہ معاملہ ایسے ہی چلتا رہے گا اور نہتے لوگ مرتے رہیں گے۔