شام: دیر الزور کے علاقے میں امریکی اڈوں پر میزائل اور ڈرون حملے

شیعیت نیوز: مقامی ذرائع نے جمعرات کی صبح دیر الزور کے علاقے میں مختلف اوقات میں کئی دھماکوں کی آوازیں سننے کی اطلاع دی۔

چند منٹ بعد عرب میڈیا نے اطلاع دی کہ دیر الزور کے مشرق میں واقع ’’العمر‘‘ آئل فیلڈ میں امریکی قابضین کے اڈے کو میزائل حملوں کا نشانہ بنایا گیا۔

یہ بھی پڑھیں : الیاس قادری عطاری کی اہل بیتؑ دشمنی ، جید عالم اہل سنت ومبلغ مفتی سجاد حسین مکی نے دعوت اسلامی چھوڑدی

کہا جاتا ہے کہ مشرقی شام پر اس ملک کے جنگجوؤں کے حملے کے جواب میں العمر آئل فیلڈ میں امریکی فوج کے مقام کو 6 میزائلوں سے نشانہ بنایا گیا۔

ایک فیلڈ ذرائع نے المیادین نیٹ ورک کو یہ بھی بتایا کہ ’’دیر ایزور کے مشرق میں کونیکو گیس فیلڈ میں امریکی اڈے پر بھی میزائلوں اور ڈرونز سے بمباری کی گئی۔‘‘

اس سے قبل امریکی وزیر دفاع لائیڈ آسٹن نے کہا تھا کہ ملک کی فضائیہ کے دو F-15 لڑاکا طیاروں نے مشرقی شام میں مزاحمتی گروپوں کی تنصیبات پر حملہ کیا۔

یہ بھی پڑھیں : غزہ میں مزاحمتی فورسز کے ہاتھوں ایک صہیونی افسر ہلاک

مقبوضہ فلسطینی علاقوں میں جنگ میں شدت آنے کے بعد عراق اور شام کے مختلف علاقوں میں امریکی اڈوں پر گزشتہ چند دنوں سے حملے کیے گئے ہیں اور ان حملوں کے نتیجے میں درجنوں امریکی فوجی زخمی ہوئے ہیں۔

مزاحمتی حملوں نے امریکی قابض افواج کو صرف ایک ہفتے کے اندر عراق میں اپنے دو تہائی فوجی اور ’’سویلین‘‘ اہلکاروں کو واپس بلانے پر مجبور کر دیا، اس کے علاوہ سفیر اور اہم عملے کو بھی واپس بلا لیا۔