مقبوضہ فلسطین

فلسطینی مزاحمتی فورسز نے اسرائیلی فوج کا اسلحہ ڈپو تباہ کر دیا

شیعیت نیوز: فلسطینی مزاحمتی فورسز کی غزہ شہر کے مختلف حصوں میں صہیونی فوج کے جارح عناصر کے ساتھ جھڑپیں جاری ہیں جہاں مجاہدین صیہونی دشمن کے اسلحہ ڈپو کو تباہ کرنے میں کامیاب ہو گئے۔

المیادین نے خبر دی ہے کہ حماس کی عسکری شاخ نے بتایا ہے کہ فلسطینی فورسز نے ’’یٰسین 105‘‘ لانچر کا استعمال کرتے ہوئے صیہونی فوج کے ایک ٹینک اور ایک پرسونل کیرئیر سمیت متعدد فوجی سازوسامان کو تباہ کرنے میں کامیاب ہو گئے۔

صیہونی فوج کے ہتھیاروں کے خلاف فلسطینی فورسز کا یہ حملہ الطوام اسکوائر کے شمال میں ہوا۔

ادھر الجزیرہ نے اطلاع دی ہے کہ غزہ شہر کے شمال اور جنوب مغرب میں مزاحمتی فورسز اور قابض عناصر کے درمیان جھڑپیں اب بھی جاری ہیں۔

دوسری طرف سرایا القدس نے بھی اعلان کیا کہ فلسطینی فورسز نے غزہ کے مغرب میں صیہونی فوج کی بکتر بند گاڑیوں کو مارٹر اور گرینیڈ پھینک کر تباہ کرنے میں کامیابی حاصل کی اور متعدد صیہونی فوجیوں کو ہلاک اور زخمی کردیا۔

یہ بھی پڑھیں : انسانیت سے ہمدردی کی سزا، امریکی رکن کانگریس رشیدہ طلیب کو سرزنش کا سامنا

اس سے قبل عبرانی ذرائع ابلاغ نے اعتراف کیا تھا کہ اسرائیلی فوج ضروری سازوسامان کی کمی کی وجہ سے چند روز قبل جن ٹینکوں کو مرمت کے لئے واپس لیا تھا انہیں دوبارہ استعمال کرنے پر مجبور ہوگئی ہے۔

دوسری طرف غاصب صہیونی فوج کے جرائم کے جواب میں فلسطینی مزاحمتی فورسز القدس اور القسام بٹالین نے مقبوضہ اراضی کے متعدد علاقوں پر راکٹ داغے۔

المیادین نے خبر دی ہے کہ فلسطینی شہریوں کے خلاف صیہونی فوج کے جرائم کے جواب میں صیہونی ٹھکانوں اور بستیوں کے خلاف فلسطینی مزاحمت کے راکٹ حملوں کا سلسلہ جاری ہے۔

القدس بریگیڈز (فلسطینی اسلامی جہاد موومنٹ کی عسکری شاخ) نے اعلان کیا کہ اس نے ناجائز صیہونی بستیوں نیر اسحاق، علومیم اور کیبوتس کفار عزہ پر میزائل داغے ہیں۔

فلسطینی مزاحمتی فورسز نے غزہ کی پٹی کے ارد گرد کی ناجائز صہیونی بستیوں پر بھی گولہ باری کی۔

متعلقہ مضامین

Back to top button