حزب اللہ کے پن پوائنٹ میزائل نے اسرائیل کی نیند حرام کر دی

شیعیت نیوز: ایک اسرائیلی جنرل کا کہنا ہے کہ حزب اللہ لبنان کے پن پوائنٹ میزائل ہمارے لیے بہت بڑا اسٹریٹجک خطرہ ہیں۔

صیہونی حکومت کی ریزرو فوج کے ایک جنرل نے کہا کہ فوج کو اس حقیقت کو سمجھنا چاہیے کہ حزب اللہ کے پن پوائنٹ میزائل ایک بہت بڑا اسٹریٹیجک خطرہ ہیں۔

یہ بھی پڑھیں : القدس بریگیڈ کی پریڈ اسرائیل اور اس سے سمجھوتہ کرنے والوں کے منہ پر طمانچہ ہے، انصار اللہ

فارس نیوز کی رپورٹ کے مطابق، صیہونی فوج کے ایک ریزرو جنرل امیر آویوی نے اعتراف کیا کہ اس حکومت کو ایک بڑے اسٹریٹیجک خطرے کا سامنا ہے۔آویوی نے کہا کہ اسرائیلی فوج کو اس حقیقت کو سمجھنا چاہیے کہ حزب اللہ کے پن پوائنٹ میزائل ایک بہت بڑا اسٹریٹیجک خطرہ ہیں۔

انہوں نے چینل 13 سے انٹرویو میں حزب اللہ لبنان کے میزائلوں کے خطرے کا ذکر کرتے ہوئے تاکید کی کہ اسرائیلی دفاعی نظام ان میزائلوں کو ناکام بنانے اور انٹرسپٹ کرنے سے قاصر ہے۔

یہ بھی پڑھیں : عوام کی ذہنی سطح کے مطابق آیت اللہ ناصری کے افکار کی ترویج کی جائے، آیت اللہ خامنہ ای

ان کا کہنا تھا کہ میزائل کوئی راکٹ تو نہیں ہے کہ ہم اس کا راستہ جانتے ہیں اور ہمارے سسٹمز اسے ناکام کر سکتے ہیں، میزائل بالکل ہی مختلف ہوتے ہیں۔

اس صیہونی جنرل نے اشارہ کیا کہ ہم حزب اللہ لبنان کو اس بات کی اجازت نہیں دے سکتے کہ وہ پن پوائنٹ میزائلوں سے اپنی صلاحیتوں میں اضافہ کرے۔ ان کوششوں کو ناکام بنانے پر طویل عرصے سے اسرائیلی فوجی کارروائیوں کی توجہ مرکوز ہے۔