ٹرمپ مرگیا، بیٹے نے اصل خبر کی حقیقت بتادی

سابق امریکی صدر ڈونلڈ ٹرمپ کے بیٹے ٹرمپ جونئیر کے ”ایکس“ اکاؤنٹ سے والد کے انتقال کی خبر نے سوشل میڈیا پر ہنگامہ برپا کردیا۔

گزشتہ روز سوشل میڈیا پلیٹ فارم ”ایکس“ پر ڈونلڈ ٹرمپ کے بیٹے ڈونلڈ ٹرمپ جونئیر کے تصدیق شدہ اکاؤنٹ سے والد کے انتقال کی خبر جاری کی گئی۔

ٹوئٹ میں لکھا گیا تھا کہ ’میرے والد ڈونلڈ ٹرمپ انتقال کر گئے ہیں‘۔ٹوئٹر پوسٹ میں یہ بھی لکھا گیا تھا کہ ’والد کے انتقال کے بعد اب میں 2024 میں صدر کے لیے انتخاب لڑوں گا۔‘

بعد ازاں معلوم ہوا کہ ٹرمپ جونیئر کا ایکس اکاؤنٹ ہیک ہوگیا تھا، اور ڈونلڈ ٹرمپ کے انتقال کی خبر ہیکر کی ہی شرارت تھی۔ ہیک شدہ ہینڈل سے ہوئے ٹوئٹس کی سیریز کو بعد میں ہٹا دیا گیا تھا۔