افغانستان لبریشن فرنٹ کے حملے میں طالبان کا بھاری جانی نقصان

شیعیت نیوز: بغلان میں ایک طالبان کمانڈر لبریشن فرنٹ آف افغانستان کے حملے میں مارا گیا۔

رپورٹ کے مطابق افغانستان لبریشن فرنٹ کے حملے میں طالبان کے کم از کم تین ارکان ہلاک ہوگئے۔

موصولہ رپورٹ کے افغانستان لبریشن فرنٹ کے ایک حملے میں شمالی افغانستان کے بغلان میں طالبان کمانڈروں میں سے ایک ملا گلالی اور اس گروپ کے دو دیگر ارکان مارے گئے۔

گزشتہ رات پل خمری کے رہائشیوں نے شہر کے وسط میں دھماکے کی اطلاع دی اور اس کے کچھ ہی لمحوں بعد افغانستان لبریشن فرنٹ نے دھماکے کی ذمہ داری قبول کرتے ہوئے کہا کہ ملا گلالی اور اس کے ساتھی دھماکے کا نشانہ تھے۔

افغانستان لبریشن فرنٹ کے اعلان میں کہا گیا ہے کہ طالبان کے تین ارکان بشمول ملا گلالی جو ابو ذر کے نام سے جانا جاتا ہے، مارے گئے، اور گاڑی کا ڈرائیور اور ایک اور مسافر زخمی ہو گئے۔

لبریشن فرنٹ نے اس حملے کی ایک ویڈیو جاری کی جس میں دکھایا گیا ہے کہ طالبان کے کمانڈر اور دیگر ارکان کو لے جانے والی فوجی گاڑی کو پل خمری شہر کی ایک مرکزی سڑک پر ایک دھماکے سے نشانہ بنایا گیا ہے۔ جب کہ اس سے کچھ دیر پہلے لبریشن فرنٹ آف افغانستان نے اعلان کیا تھا کہ اس نے کابل شہر کے ضلع 11 میں طالبان کی چوکی پر حملہ کیا ہے اور اس حملے میں طالبان کے چار اہلکار ہلاک اور چھ زخمی ہوئے ہیں۔

یہ بھی پڑھیں : ایران میں قید امریکیوں کو صرف انسانی ہمدردی کی بنیاد پر رہا کیا گیا، ایرانی صدر رئیسی

اس محاذ کے بیان میں کہا گیا ہے کہ یہ حملہ بدھ کی رات 8 بجکر 25 منٹ پر ’’پنجشیر وات‘‘ کے علاقے میں ہوا اور زخمیوں میں طالبان کا ایک رہنما بھی شامل ہے۔

مذکورہ گروہ کے بیان میں کہا گیا ہے کہ اس حملے کا ہدف، جو کہ RPG راکٹوں سمیت ہلکے اور بھاری ہتھیاروں کا استعمال کرتے ہوئے کیا گیا تھا، جس کا نشانہ طالبان کے کرائے کے فوجیوں کی ایک چوکی تھی جو ہمیشہ نوجوانوں کو ان کے لباس اور ظاہری شکل کی وجہ سے موٹر سائیکلوں اور گاڑیوں سے اتار کر مار پیٹ کرتے تھے۔

قبل ازیں لبریشن فرنٹ نے دعویٰ کیا تھا کہ گیارہویں چوکی میں تعینات طالبان فورسز نے گزشتہ دو ہفتوں کے دوران پچھلی حکومت کی سکیورٹی فورسز کے سات ارکان کو ان کی گاڑیوں سے اتار کر مختلف بہانوں سے جیل بھیج دیا تھا۔

افغانستان لبریشن فرنٹ نے کہا کہ یہ فورسز طالبان کے ’’تشدد‘‘ کا شکار ہیں۔ تاہم طالبان نے اس دعوے پر کوئی تبصرہ نہیں کیا ہے۔

چند ہفتے قبل قومی مزاحمتی محاذ نے تخار صوبے میں طالبان کی ایک کار پر دھماکہ خیز حملے کی ذمہ داری قبول کی تھی۔

اس محاذ نے دعویٰ کیا کہ 24 اگست کی شام کو کئے گئے اس حملے میں دو طالبان ہلاک اور دو زخمی ہوئے۔

تخار میں طالبان پولیس کمانڈ نے دھماکے کی تصدیق کرتے ہوئے کہا کہ صرف دو شہری زخمی ہوئے۔

یاد رہے کہ یہ حملے ایسے وقت میں ہوئے ہیں جب طالبان کے اعلیٰ عہدیداروں نے کابل میں اپنے اقتدار کے دو سال مکمل ہونے کی تقریب میں دعویٰ کیا تھا کہ افغانستان میں سکیورٹی کو یقینی بنایا گیا ہے اور اس گروپ کے خلاف کوئی فعال فوجی محاذ نہیں ہے۔ جب کہ قومی مزاحمتی محاذ اور آزادی فرنٹ کی طالبان کے خلاف عسکری سرگرمیاں جاری ہیں اور ان کے حملے زیادہ تر گوریلا نوعیت کے ہیں۔