امریکہ، جنوبی کوریا اور جاپان کی سربراہی کانفرنس کی نوعیت تصادم کی ہے، ماریا زاخارووا

شیعیت نیوز: روسی وزارت خارجہ کی ترجمان نے ’’سیول کے روس مخالف موقف‘‘ کے بارے میں خبردار کرتے ہوئے کہا کہ امریکہ، جنوبی کوریا اور جاپان کے سربراہی اجلاس میں طے پانے والے معاہدوں کی نوعیت تصادم اور سرد جنگ کی روح ہے۔

اسپوتنک کی رپورٹ کے مطابق روس کی وزارت خارجہ کی ترجمان ماریا زاخارووا نے اپنے ایک خطاب میں کہا کہ امریکہ، جنوبی کوریا اور جاپانی سربراہی اجلاس میں طے پانے والے معاہدوں کی نوعیت تصادم اور سرد جنگ کی روح ہے۔

اس سلسلے میں روسی وزارت خارجہ کے ترجمان نے کہا کہ سیئول کی جانب سے کیف کی کسی بھی شکل میں حمایت بشمول فوجی امداد اور روس کے خلاف نئی پابندیوں کا جواب دیا جائے گا۔

یہ بھی پڑھیں : چین اور بھارت کا سرحدی کشیدگی کم کرنے پر اتفاق

ماریہ زاخارووا نے مزید کہا کہ امریکہ، جاپان اور جنوبی کوریا کے درمیان فوجی سیاسی تعامل میں روس اور چین پر قابو پانے کے لیے امریکہ کی اہم ہدایات شامل ہیں۔

گزشتہ جمعے کو میری لینڈ میں امریکی صدر کی مستقل رہائش گاہ کیمپ ڈیوڈ میں ہونے والے سہ فریقی اجلاس میں امریکہ، جاپان اور جنوبی کوریا کے رہنماؤں نے ایک مشترکہ بیان جاری کیا اور بڑے پیمانے پر سالانہ فوجی مشقوں کے انعقاد کا عہد کیا۔

اپنے مشترکہ بیان میں سہ فریقی کیمپ ڈیوڈ سربراہی اجلاس کے سربراہان نے شمالی کوریا کو مکمل طور پر جوہری ہتھیاروں سے پاک کرنے کے عزم پر زور دیا اور شمالی کوریا کے ساتھ تعمیری بات چیت پر زور دیا!

بیان میں کہا گیا کہ ہم علاقائی چیلنجوں، اشتعال انگیزیوں اور ہمارے اجتماعی مفادات اور سلامتی کو متاثر کرنے والے خطرات کے بارے میں اپنے ردعمل کو مربوط کرنے کے لیے ایک دوسرے کے ساتھ فوری مشاورت کرنے کے لیے اپنی حکومتوں کے عزم کا اعلان کرتے ہیں۔

ان مشاورتوں کے ذریعے، ہم معلومات کا اشتراک کرنے، پیغام رسانی اور جوابی کارروائیوں کو مربوط کرنے کا ارادہ رکھتے ہیں۔

تینوں ممالک نے جنہوں نے جمعہ کو ایک نشست میں شمالی کوریا کے ساتھ ’’بغیر پیشگی شرائط‘‘ کے بات چیت دوبارہ شروع کرنے پر آمادگی ظاہر کی۔