اربعین کیلئے کربلا جانے والے پاکستانی زائرین امام حسینؑ کیلئے اچھی خبر سامنے آگئی
18 اگست, 2023 20:42
شیعیت نیوز: پاکستان میں قائم عراقی سفارتخانے نے اربعین امام حسینؑ کے لئے نئی ویزہ پالیسی کا اعلان کردیا۔ پاکستان کے سابق وزیر خارجہ و داخلہ کی کوششوں سے عراق نے 19 اگست سے لے کر 20 ستمبر تک اربعین زیارت حضرت امام حسین علیہ اسلام کے لیے پاکستانی زائرین کا ویزہ فری کردیا ہے۔
تفصیلات کے مطابق اسلام آباد میں متعین عراقی سفیر حامد عباس لطفا نے ایک اعلامیہ جاری کیا ہے جس کے مطابق پاکستانی وزیر خارجہ اور وزیر داخلہ کے دورہ عراق کے موقع پر عراقی سرکاری حکام سے پاکستانی زائرین کیلئے ویزہ فیس کی معافی کا مطالبہ کیا گیا تھا۔
یہ بھی پڑھیں: نئے متعین سفیر جمہوری اسلامی ایران رضا امیری مقدم کی چیئرمین ایم ڈبلیوایم علامہ راجہ ناصرعباس سے ملاقات
عراقی سفارت خانے کی جانب سے جاری نوٹیفکیشن کے مطابق پاکستانی زائرین اربعین امام حسینؑ پر زیارات مقام مقدسہ کیلئے 19 اگست سے لے کر 20 ستمبر تک عراق میں داخلے کیلئے ویزہ فری کردیا گیا ہے۔
