چین میں امریکی سی آئی اے کا ایک جاسوس گرفتار

شیعیت نیوز: چین کی قومی سلامتی نے امریکی سی آئی اے کے لئے جاسوسی کرنے والے ایک چینی نژاد شخص کی گرفتاری کی خبر دی ہے۔

روئیٹرز کی رپورٹ کے مطابق چین کی قومی سلامتی نے امریکی سی آئی اے کے لئے جاسوسی کرنے والے ایک چینی شخص کی شناخت اور اس کی گرفتاری کی خبر دی ہے۔

یہ بھی پڑھیں : شام: دیرالزور میں داعش کا بس پر حملہ ، 23 شامی فوج جاں بحق

موصولہ رپورٹ کے مطابق اس چینی باشندے کو اٹلی میں ایک سی آئی اے کے ایجنٹ نے بھرتی کیا تھا اور یہ شخص چین میں فوج کے صنعتی مرکز میں کام کرتا تھا۔

تفصیلات کے مطابق اٹلی میں چینی باشندے اور سی آئی اے کے جاسوس کی ملاقاتیں ہوئیں جس کی بنیاد پر اسے چینی فوجی کے متعلق حساس معلومات جمع کرنے کے مشن پر لگا دیا گیا۔

یہ چینی باشندہ اٹلی میں فوجی صنعتی گروہ کی جانب سے مطالعاتی دورے پر گیا تھا۔

یہ بھی پڑھیں : جبری لاپتہ افراد کی بازیابی، سندھ ہائیکورٹ کا تحقیقات کیلئے ایس پی مقرر کرنیکا حکم

چینی شہری نے چین واپسی سے پہلے امریکہ کے ساتھ ایک معاہدہ کیا تھا جس کے تحت اسے اور اس کے خاندان کو امریکہ میں مہاجرت اور بہت بڑی رقم کی پیش کش کی گئی تھی۔

اس چینی باشندے نے واپس چین پہنچ کر بہت حساس قسم کی معلومات امریکہ کو فراہم کیں۔

یاد رہے کہ چین نے جاسوسی کے خلاف قوانین کو مزید سخت کر دیا ہے اور عوام سے غیر ملکی جاسوسوں کے خلاف اقدامات کرنے کی دعوت دی ہے۔